Барилга.МН сэтгүүл нь олон нийтэд барилгын салбарын талаарх төрөл бүрийн мэдээ, мэдээллийг хүргэх, тэдгээрийг харилцан хамтран ажиллахад нь дэмжлэг үзүүлэх, сурталчилан таниулах зорилготой ажилладаг.  “Барилга.МН” сэтгүүл нь өнгөрсөн жилээс эхлэн барилгын материал үйлдвэрлэгч “ТОП 50” аж ахуй нэгжийг жил бүр шалгаруулан уламжлал болгохоор ажиллаж байна.

Шалгаруулалтыг олон нийтийн дунд нээлттэй хэлбэрээр явуулах бөгөөд дэвшилтэт техник технологи ашигласан байдал, үйлдвэрлэлтийн хэмжээ, бүтээгдэхүүний чанар, байгаль орчинд ээлтэй зэрэг бүтээгдэхүүнд тулгуурласан шалгуур үзүүлэлтүүдээс гадна ажилтан, албан хаагчдын тоо, улс эх оронд төлсөн татвар төлөлтийн хэмжээ, нийгмийн даатгалын шимтгэлийн төлөлт зэрэг олон нийт, нийгмийн өмнө хүлээсэн үүрэг хариуцлага өндөр байгааг ч мөн харгалзан үзэх юм.

Төрийн болон мэргэжлийн төрийн бус байгууллагын барилгын материалын үйлдвэрлэлээр мэргэшсэн мэргэжилтнүүд шалгаруулалтыг удирдан явуулна. Мөн  “top.barilga.mn” цахим хуудсаа дамжуулан олон нийтийн дунд  асуулга явуулж, “Топ-50” барилгын материал үйлдвэрлэгчийг сонгон шалгаруулах юм. Иймд иргэд олон нийт та бүгдийг өөрсдийн дэмждэг барилгын материал үйлдвэрлэгчийн төлөө саналаа өгч идэвхтэй оролцохыг уриалж байна.