Цэвэр эрчим хүчний технологийг бүрэн нэвтрүүлсэн анхны сургууль Дани улсад үүд хаалгаа нээх гэж байна. Энэ нь нарны эрчим хүч үүсгүүр бүхий дэлхийн хамгийн том шилэн фасадыг ашиглаж буйгаараа онцлогтой юм. Копенгагены Олон улсын сургууль нь Дубайн хөрөнгө оруулалтын тэргүүлэгч компаниудын нэг болох Эмират Инсолэйр компанийн ивээн тэтгэлгээр ийнхүү нарны эрчим хүчийг өөрөө үүсгэх хүчин чадалтай шилэн фасадтай болох юм.

     Энэхүү дэвшилтэт технологи нь барилгын гадна фасаданд нарны эрчим хүчийг хуримтлуулан тус сургуулийн хэрэглээний цахилгааны тэн хагасыг хангах боломжтой аж.

     Сургуулийн фасаданд нийт 12,000 орчим нарны эрчим хүч үүсгүүртэй шилэн хавтан орох бөгөөд энэ нь байгаль орчинд ээлтэй, нарнаас эрчим хүч үүсгэх хамгийн шинэлэг, дэвшилтэт технологи болж байгаа нь цаашид олон төсөлд үлгэр жишээ болсон томоохон алхам болж байгааг мэргэжилтнүүд хэлж байна. Шилэн фасад нь жилд 300 мегаватт/цаг цахилгаан үйлдвэрлэх бөгөөд энэ нь сургуулийн эрчим хүчний хэрэглээний тэн хагасыг хангах аж.