Өнөөдөр "Ногоон хөгжлийн түншлэлийг дэмжих нь" сэдэвт зөвлөлдөх уулзалтыг БОНХАЖЯ, Сангийн яам, түншлэгч байгууллагууд хамтран зохион байгуулав. Тус уулзалтаар хөгжлийн түнш байгууллага, банкны салбарын төлөөлөл болон бусад 200 гаруй сонирхогч талууд оролцож, Ногоон хөгжлийн түншлэлийн хөтөлбөрийн талаар хэлэлцлээ. Энэхүү Монгол Улсын тогтвортой хөгжлийн үзэл баримтлал нь НҮБ-аас баталсан Тогтвортой хөгжлийн хөтөлбөрийн үзэл санаанд суурилсан бөгөөд манай онцлог нөхцөл, хөгжлийн тэргүүлэх чиглэл, тулгамдаж буй асуудлуудтай нягт уялдаатай юм. Тус бодлогын хэрэгжилт, саад бэрхшээл, ололттой талын талаар холбогдох ажилтнууд илтгэл тавьж, хэлэлцүүлэг өрнөв. 

БОНХАЖ-ын Сайд Н.Батцэрэг,


НҮБ-аас гаргасан Тогтвортой хөгжлийн бодлого нь 17 зорилго, 60 гаруй зорилттой бөгөөд хүний эрхийг дээдлэх, хүртээмжтэй эдийн засгийн өсөлт, байгаль орчны хамгаалахын төлөө дэлхийн улс орнууд хамтран ажиллах үүрэг бүхий хөтөлбөр юм. МУ илүү тогтвортой хөгжих нэгэн чухал үйл явдал нь 2014 онд УИХ-ын батлан гаргасан "Ногоон хөгжлийн үзэл баримтлал" хэмээх баримт бичиг билээ. Үүгээр дамжуулан боловсрол, хүн амын оновчтой хөгжлийг төлөвлөн хөгжүүлэх, ногоон амьдралын хэв маягийг төлөвшүүлэх, шинэ техник технологийг нэвтрүүлэхийг үүрэгдсэн. Харин 2016 оны хоёрдугаар сард УИХ ойрын 15 жилийн ногоон хөгжлийн үзэл баримлалыг батлаад байна. Өнөөдрийн уулзалтаар гарсан санал санаачлага ногоон хөгжилд их хувь нэмэр болно хэмээн итгэж байна.

УИХ-ын гишүүн, НҮББОА-н Ерөнхийлөгч С.Оюун,

Өмнө нь "Ногоон бизнес" гэхээр илүү өртөг өндөртэй гэсэн хандлага байсан бол өнөөдөр хөрөнгө оруулагч банк, санхүүгийн байгууллага, хамтран ажиллаж байгаа түнш, аж ахуйн нэгжүүд ногоон хөгжлийг дэмжих үзэл баримтлалтай болжээ. Одоогоор манайд хүрэн барилга, ногоон барилга барих хоёр санхүүгийн хувьд зөрүүтэй. Энэхүү зөрүүг улсын төсвөөс авах биш, ОУБ-аас хүсэх боломжтой болоод байна.