Аливаа үзэсгэлэнд оролцоно гэдэг тухайн оролцогч компанийн бүтээгдэхүүн үйлчилгээг хэрэглэгчдэд таниулах, дэлгэрэнгүй мэдээллээр хангах, захиалагчидтай нүүр тулсан ярилцлага хийх, тэдгээрийн хүсэл сонирхлыг мэдэх, амьд харилцаа үүсгэх, судалгаа хийх, хамгийн гол нь борлуулалтаа өсгөхөд оршдог. Энэ утгаараа үл хөдлөх хөрөнгийн зах зээл дэх захиалагч, нийлүүлэгч хоёрыг холбосон томоохон гүүр гэж болно.

Барилгын салбарын хамгийн том арга хэмжээний нэг болох “Барилга Экспо” үзэсгэлэн яармаг хоёр төрлөөр явагдах бөгөөд Барилгын материал 04.29-05.01-нд, Орон сууц 05.06-08-ны хооронд болох гэж байна. Тус үзэсгэлэнгээр та салбарын аж, ахуйн нэгжүүдийн шинэ бараа бүтээгдэхүүн, үйл ажиллагаагаатай танилцах, оролцогч аж ахуйн нэгж, байгууллагууд зах зээлд танигдах, борлуулалтаа өсгөх нэн боломжтой юм. 

         “Хурд групп” ХХК-ийн Маркетингийн менежер Ц.Мөнхнасан,

“Барилга Экспо” бол цар хүрээ өргөн, зохион байгуулалт сайтайгаас гадна уламжлал болгон тогтмол зохион байгуулагддаг зах зээл дээр байрь сууриа нэгэнт олсон, салбарын нэр хүндтэй үзэсгэлэн. Цаашдаа энэхүү үзэсгэлэн маань илүү боловсронгуй болж, оролцогч орон сууцны төслүүдийн үнэ болон төслийн цар хүрээгээр нь ангилал байршуулах, тэдгээрт тавигдах шалгуурыг өндөр болгох хэрэгтэй санагддаг.