Барилгын салбарын аж ахуйн нэгжүүдэд бүтээгдэхүүн, материал, үйлчилгээгээ бартер солилцоогоор худалдаалах боломжийг олгосон “Бартерийн Бирж 2016” арга хэмжээнд “Барилга Эм Эн” ХХК-ийн Судалгааны албаны дарга Б.Билэгтсайхан “Барилгын салбарын маркетинг” /Орон сууцны төслийн жишээ/ сэдэвт илтгэлийг тавих гэж байна.

     Эдийн засгийн хямрал нүүрлэж, компаниудын хувьд санхүүгийн бэрхшээлийг даван туулахад хүндхэн байгаа энэ үед цагаа олсон, хамгийн хэрэгцээт агуулгыг багтаасан, бодит жишээнд тулгуурласан уг илтгэлийг үнэ төлбөргүй сонсох боломж хэн бүхний өмнө нээлттэй.

     Барилгын салбарын маркетингийг хэрхэн хийх, тэр дундаа орон сууцны төслийн маркетингийг явуулах, орон сууцны зах зээлийн судалгаа шинжилгээ, тоон баримт, худалдан авагчийн зан төлвийн байдал, маркетингийн идэвхжүүлэлтийн сувгаа оновчтой тодорхойлох, маркетинг-борлуулалтын төлөвлөгөөг хэрхэн гаргах гээд олон талын мэдлэг, мэдээллийг орон сууцны төслүүдийн бодит жишээнд тулгуурлан хүргэх юм.

Илтгэл 2016.03.17-ны Пүрэв гаригт 11 цагаас Гандирс төвийн 4-р давхарт, “Бартерийн Бирж 2016” арга хэмжээн дээр болно.