Дэлхий дээр өдөр бүр 2 сая тонн хог хаягдал бий болдог. Харин манай улсын хэмжээнд жилдээ 780-800 мянган тонн хог хаягдал үүсдэгээс Улаанбаатарт 50 хувь нь буюу 340 мянган тонн ахуйн хог хаягдал, 50 мянган тонн барилгын хог хаягдал гардаг байна. Иймд их хэмжээгээр бий болж буй эдгээр хог хаягдлыг ангилан шүүж дахин боловсруулж, байгаль экологид ээлтэй шинэлэг технологи бүтээхэд дэлхий нийтээрээ анхаарах болжээ. Хог хаягдлыг ашиглан барилгад хэрэглэх материал үйлдвэрлэсэн шилдэг туршлагуудаас сонирхуулъя. 
 

Норвегид жил бүр 1мянган тонн бүх төрлийн хаягдал цаасыг дахин боловсруулдаг. Ингэж боловсруулсанаар нэгэн сонирхолтой мод хийжээ. Уг модыг хийхдээ уусгагч, цавуу ашигласан бөгөөд барилгын ямар ч ажилд ашиглаж болно.​

           2. Хөөсөн дээвэр

Дээврийн шинэ материалыг бидний өдөр тутмын хог хаягдал болох ахуйн бүтээгдэхүүнээс гаргаж авдаг байна. Ингэхдээ байгалийн гаралтай хог хаягдлыг полимерээс салган авч барилгын материал болгожээ.

                3. Дахин боловсруулсан блок


Уут, хуванцар сав, баглаа боодлын хаягдлыг дахин боловсруулж нэгтгэн өнгөлгөөний тоосго хийжээ. Үүнийг даацын хананд ашиглахад хэт хөнгөн тул өрөө тусгаарлах хана, үүдний хэсэг зэрэгт ашиглахад тохиромжтой.

             4. Цусаар хийсэн тоосго

Үүнийг амьтны хаягдал цусаар хийдэг. Цусанд хүчтэй био цавуу болон уураг ихээр агууллагддагаас хоорондоо сайн барьцалддаг аж. Их Британийн архитектурын ангийн оюутан Жак Манро үүнийг анх санаачилж, цусанд элс хольж, тоосго гаргах санааг гаргажээ. Хотоос алслагдсан нутгийн иргэд мал аж ахуй эрхэлдэг учраас амьтны цусыг ашиглан барилгын материал болгох нь эдийн засагт хэмнэлттэй гэдгийг тэрээр тогтоожээ. Гэхдээ хүчитгэсэн барилгад ашиглах боломжгүй гэнэ.
 
                5. Лонхон тоосго

Сүүлийн үед олон компаниуд шоо хэлбэрийн шилэн блок мэт лонхыг шигтгэн барилга барих болсон байна. Энэ нь тээвэрлэхэд хялбар, үнэ өртөг бага, барилгад орж, шигтгэсэний дараа эвдрэл гарах нь бага гэнэ.
Анх 1960-аад онд шар айрагын “Heineken” компани лонхоо барилгын материал болгох эхлэлийг тавьсан. Тус компанийг санаачлагч Alfred Henry Heineken Исландийн Карибин арал дээр өөрийн үйлдвэрийн лонхоороо байшин барьжээ.  Ийнхүү тоосгын хэв маягыг бүхэлд нь өөрчилсөн загвар гарч ирсэн түүхтэй.

              6. Утаа тортог тусгаарлагч

Бидний хог хаягдлын хамгийн хортой үр дагавар бол агаарын бохирдол билээ.
Бангкок хотын Зураг төслийн “Нью-Тэрриторс” компани их хэмжээний утаа, тоосонцорыг өөртөө татах торыг барилгын цахилгаан цэнэгтэй төмөрт байрлуулжээ. Үр дүнд нь барилгын гадаргуу дээгүүр мөнгөлөг бүрхүүлийг бий болгосон байна. Дараах зурганд үзүүлсэн тоос тортог таны уушиганд орох байжээ.

             7. Мөөгөнцөрөөс сэргийлэх ханын материал

Дизайнерууд барилгын ханыг чийг авах, мөөгөнцөр үүсэх, элдэв бактери бий болохоос сэргийлэн хөндийрүүлэгч материалыг бүтээжээ.

              8. Асфальт

Тус асбальтан замыг тавихдаа хуванцарын үртэс, элс, хайргыг хольсон байна. Ийм материал нь уламжлалт аргаар зам тавихаас илүү хуванцар оролцуулах нь удаан жилийн эдэлгээтэй болох нь туршилтаар нотлогджээ.  

                9. Дарсны бөглөөгөөр хийсэн хавтан 

Дарсны үйсэн бөглөөг бутлан хавтан болгон хэвлэж, шал болон хананд хэрэглэсэн нь үнэхээр гайхалтай, шинэлэг санаа байв.