“Улаанбаатар дулааны сүлжээ” ТӨХК нь өр авлагаа авах зорилгоор “Дэнж” хотхоны орон сууцны конторт харъяалагдах СБД-ийн 9-р хорооны 62-р байр, 11-р хорооны 52, 54-р байр, БЗД-ийн 1-р хорооны 8-р байр, 4-р хорооны 50, 8.1-р байруудын дулааныг хязгаарласан гэсэн гомдол ШӨХТГ-т ирсний дагуу албаны хүмүүс шалгалт хийжээ. Гэтэл тус компани нь Хэрэглэгчийн эрхийг хамгаалах тухай хуулийн 12.9 дэх “Бараа, ажил, үйлчилгээг хууран мэхлэх, төөрөгдүүлэх, хүч хэрэглэх замаар худалдах, гүйцэтгэх, хэрэглэгчийн эрхийг хохироосон гэрээ байгуулахыг хориглоно” гэсэн, Өрсөлдөөний тухай хуулийн 12.1.10 дахь “Хууль ёсны ашиг сонирхолд харшлах болон хэрэглэгчийг хууль бусаар хохироох худалдааны арга хэрэглэх”-ийг хориглосон заалтыг тус тус зөрчсөн байсныг тогтоожээ.

     Үүний дагуу зөрчлийг арилгаж, тус орон сууцнуудад дулааныг нь өгч эхэллээ. Компани хоорондын зөрчлөөс болж хохирч байсан иргэд дулаанаа үргэлжлүүлэн авч, “УБДС” компани дахин зөрчил гаргахгүй гэдгээ мэдэгдсэн байна.