Монголын Барилгын Үндэсний Ассоциацийн эрх барих дээд байгууллага нь 2 жилдээ 1 удаа хуралддаг бүх гишүүдийн чуулган. Сайн засаглалын төлөө хамтдаа сэдвийн дор чуулганы үйл ажиллагаа 2016 оны 04 дүгээр сарын 19-ний өдөр Бест Вестэрн Премиер зочид буудлын соёмбо танхимд 09-14 цагт амжилттай болж өндөрлөлөө.



Нээлтийн үйл ажиллагаанд Салбарын сайд, төр, олон танигдсан хүндтэй зочид ирж, “Салбар дахь төр хувийн хэвшлийн хамтын ажиллагааны зарчим”, “Ардчилсан нийгэм дэх мэргэжлийн ТББ-ын үүрэг роль”,“Эдийн засгийн хямралын үеийн үл хөдлөх хөрөнгийн зах зээл ба барилгын салбар” сэдвүүдээр үг хэлж, илтгэл тавьж хэлэлцүүллээ.
 

Нээлтийн ажиллагааны дараа чуулганы гол үйл ажиллагаа буюу өнгөрсөн 2 жилийн ажлын тайлан, ирэх жилийн стратегийн зорилтууд,  дүрэм шинэчлэн батлах, удирдах зөвлөл, хяналтын зөвлөлийг  шинэчлэн сонгох ажлууд болж өндөрлөв. Чуулганы төлөөлөгчдөөс төрийн захиргааны байгууллага, төрийн бус байгууллага, компаний удирдлагуудад хандаж уриалга гаргалаа.