1965-2000 оны хооронд барьсан, угсармал 1077 хуучин орон сууц нийслэлийн 14 хороололд бий. Эдгээрийн 34 нь 12, 263 нь тав, 780 нь есөн давхар. Тэнд нийт 45462 өрх амьдарч байна. Эдгээрийг засаж, шинэчлэхэд ОХУ-ын Новосибирскийн барилгачидтай хамтрахаар болжээ. Новосибирск хотын ИТХ-ын дарга Д.В.Аланцев, хотын дарга А.Е.Локотв нарыг нийслэлийн Засаг дарга бөгөөд Улаанбаатар хотын захирагч Э.Бат-Үүл өчигдөр хүлээн авч уулзахдаа энэ талаар яилцсан юм. 

Улаанбаатар, Новосибирск хотууд 2015 оны аравдугаар сард ах, дүүгийн барилдлага тогтоожээ. Нийслэлийн бүтээн байгуулалтад Новосибирскийн барилгачид ихээхэн үүрэг гүйцэтгэсэн тул Улаанбаатар хотын хуучирсан угсармал барилгуудыг их бүрэн засаж шинэчлэхдээ тэднийг оролцуулахаар болсон аж. Угсармалуудыг шинэчлэхэд хэдий хэр хөрөнгө шаардлагатайг Новосибирск хотын удирдлагууд судална. Ингээд хөрөнгөө шийдчихвэл ажилдаа орох гэнэ.