Улаанбаатар хотод шинээр барилга, байгууламж барьж эхлүүлэхтэй холбогдуулан тухайн барилгын орчинд иргэдийг саадгүй зорчих, аюулгүй байдлыг хангуулах, хяналт тавих ажлын хэсгийн хуралдааны үүрэг даалгаварын дагуу Улаанбаатар хотын цагдаагийн газрын 2016 оны 8г/604 дугаар албан тоотоор ирүүлсэн 68 байршлын жагсаалтын газар эзэмшигч, ашиглагч нарын судалгааг УБЦГ, НӨХГ, НМХГ-ын хамтарсан ажлын хэсгийн төлөөллүүд танилцуулав.

Эдгээр 68 байршлаас зөвшөөрөлгүй барьсан 19, мэдэгдэл хүргүүлэхээр бэлтгэж байгаа, чөлөөлөх боломжтой 29, мэдэгдэл хүргүүлэхээр бэлтгэж байгаа, чөлөөлөх боломжтой 29, мэдэгдэл хүргүүлсэн 8, эзэн холбогдогч нь тодорхойгүй 1 барилга тус тус байна. Уг судалгаанаас харахад Улаанбаатар хотын хэмжээнд зөвшөөрөлгүй барилгын тоо олширсон нь харагдаж байгаа юм.

      Барилга байгууламж, хашаа барьж явган зорчигчийн хөдөлгөөнд саад учруулж байгаа газрын судалгаа,



        Хурал дээр яригдсан бас нэгэн анхаарал татсан сэдэв нь газар эзэмшлийн гэрчилгээ худалдан аваад гэрээнд заасан хугацаанд ашиглах зориулалтынхаа дагуу ашиглаагүй тохиолд нийслэлээс газар ашиглах эрхийг нь хүчингүй болгодог. Энэ асуудал шүүх дээр очихоор ихэвчлэн иргэн, хуулийн этгээдийн талд шийдвэрлэдэг бөгөөд тухайн газрыг тодорхой хэмжээнд ашигласан /газар ухсан, барилгын ажил эхлээд орхисон байдгаас/ гэж үзээд эргэн газрын зөвшөөрлийг нь сэргээдэг зөрчилдөөнтэй асуудал байлаа. Тодруулбал, тухайн газар барилгын болон газар шорооны ажил хийсэн хуулийн этгээдийн газрын эрхийг “Газрын тухай” хуулийн 40.1.6 дахь заалтыг үндэслэн хүчингүй болгоход тухайн иргэн хүлээн зөвшөөрөх боломжгүй гэж үзэн шүүхэд нэхэмжлэл гаргадаг. Энэ асуудлаар шүүх ихэвчлэн иргэн хуулийн этгээдийн талд шийдвэр гаргадаг байна. Шүүх бүх зөвшөөрлөө авсан, барилгын суурь ухсан болон барилга угсралтын ажил эхлүүлээд олон жил болсон газрыг үйл ажиллагаа явуулаагүй гэх үндэсгүй зориулалтын дагуу ашигласан гэж үздэг аж. харин тухайн газар дээрээ зөвшөөрөлгүй барилгын ажил хийсэн тохиолдолд дээрх заалтаар хүчингүй болгох боломжтой юм.

Одоогоор Баянгол дүүрэгт “Номин”, “Ньюком” компани, Хан-Уул дүүрэгт “Бумбын шовх” компаниудад газар эзэмших эрхийн гэрчилгээг хүчнигүй болгох тухай мэдэгдэл хүргүүлжээ. Харин иргэн н.Ганхуягын барилга, “Шүнди”, “Би Жи Би Жи” компаниудын барилгаас шүүхэд нэхэмжлэл гаргасан байна.

           Барилгаас гадна нийтийн эзэмшлийн талбай гудамж, явган хүний зам дээр шат, хашаа зэрэг байгууламж барьсныг шийдвэрлэхээр ажлын хэсэг ажиллаж байна. 


 

Улаанбаатар хотын цагдаагийн газрын дарга Ч.Болдбаатар