Түрээсийн орон сууцны хөтөлбөрт хамрагдах хүсэлтэй иргэдийг өнгөрөгч сарын 21-нээс энэ сарын 1-ний өдрийг хүртэл бүртгэж дууссан. Уг хөтөлбөрт хамрагдахаар 4000 орчим иргэн хандсанаас 2262 нь бүртгүүлсэн байна. Шаардлага хангаж бүртгэлд хамрагдсан иргэдийн тоо түрээсийн орон сууцны квотоос давсан учир тус орон сууцанд амьдрах оршин суугчдыг сугалаагаар тодруулахаар болсон. Бүртгүүлсэн иргэдийн материалыг энэ сарын 7 хүртэл дахин хянаж, сугалааны товыг зарлах аж.

     Сугалааг цахимаар явуулах ба энэ үеэр Шударга Өрсөлдөөн хэрэглэгчийн төлөө газар, Барилга хот байгуулалтын яам болон бүртгүүлсэн иргэдийн төлөөллүүдийг байлцуулахаар болжээ. Сугалааны явцыг хэвлэл мэдээллийн хэрэгслээр шууд дамжуулахаар болсон байна.