Манай улсад барилга эрчимтэй хөгжихийн зэрэгцээ сантехникийн тоноглолын орчин үеийн хамгийн дэвшилттэй тоног төхөөрөмж эрэлт ихтэй асуудал болоод буй. Сантехникийн систем нь барилга байгууламжид хүний тавлаг тухтай ажиллаж, амьдрах нөхцлийг хангадаг инженерийн маш нарийн хийц бүхий цогц систем юм. Тиймээс угсралтад онцгой анхаарал тавьж, ашиглалтын явцад жил бүр үзлэг хийж  байх ёстой. Сүүлийн жилүүдэд барилга, байгууламжийн сантехникийн эвдрэл гэмтэл олонтой гарч, хохирол гомдол яригддаг нь буруу угсралт, тоног хэрэгслийн хангалтгүй сонголт тохиргоог зөв хийгээгүйгээс дулаан болон эрчим хүчний үр ашиггүй зарцуулалт гарч, хэрэглэгчийн тав тухыг алдагдуулах тохиолдол гарч байна.

Иргэдийн хувьд дуудлага өгч сантехникч дуудна. Тэд асуудлыг тухай бүр шийдэнэ гэдэг бас л эргэлзээтэй. Хуучин байранд амьдардаг иргэдэд хандаж “Танайх хуучин байр тул зарим шугам, холбоос, тоноглолын эд ангийг зайлшгүй солих хэрэгтэй” гэж хэлнэ. Шинэ орон сууцанд амьдардаг бол “Танайх шинэ байр ч гэсэн сантехникийн эд ангиуд нь чанаргүй юм байна” гэх вий. Тиймээс л анхнаасаа найдвартай газарт хандаж энэ чиглэлийн мэргэжлийн үйлчилгээ авах хэрэгтэй юм. Иймд салбартаа тэргүүлэгчдийн нэг “MSN” компанийг энэ удаа бид онцлож байна.

Тус компани 2001 онд үүсгэн байгуулагдсан. Барилгын дулааны иж бүрэн зангилаа угсрах, холбогдох тоног төхөөрөмжийг 100 хувь БНСУ-аас оруулж ирж, худалдаалах мөн энэ чиглэлээрээ сургалт зохион байгуулдаг. Түүнчлэн дан ганц халаалтын систем бус хөргөлт, агааржуулалтыг цогцоор нь шийддэг. Байгуулагдсанаасаа хойш ийнхүү үйл ажиллагаа нь жигдрээд арваад жилийг ардаа үджээ. Энэ хугацаанд “Моннис” цамхаг, Улаанбаатар их дэлгүүр, “Эрдмийн өргөө” хотхон, “Гандирс” орон сууцны барилга, “Lux house”-ийн таван барилга, “Энканто” хотхоны сантехникийн ажил гэх мэт олон ажлуудыг амжилттай гүйцэтгэснийг дурьдаж болохоор байгаа юм.

“MSN” компаний менежер У.Дөлгөөнбаяр


Компанийхаа талаар болон хэрэглэдэг тоног төхөөрөмж, сэлбэг материалын талаар танилцуулна уу?

Манайх БНСУ-д дулааны чиглэлээр тэргүүлдэг 10 гаруй компанитай хамтран ажилладаг. Олон компанитай гэрээтэй ажилладагийн учир нь нэг компани бүгдийг үйлдвэрлэх гэхээсээ илүү компаниуд тус тусдаа төрөлжсөн бүтээгдэхүүн дээрээ дагнан нарийн ажиллаж, улам дэвшилтэт болгон сайжруулж, хоорондоо уялдаа холбоотой ажилладагт байгаа юм. Манай улс дотооддоо үйлдвэрлэх нөхцөл бололцоо өнөөгийн байдлаар бүрдээгүй байгаагаас бид тодорхой шалгуур үзүүлэлтүүдийг хангасан, орон зайн болон эрчим хүчинд хэмнэлттэй, хямд бөгөөд чанартай, хамгийн гол нь эрс тэс цаг агаарын нөхцөлд тохирсон бүтээгдэхүүн сонгож импортоор авчирах нь бидний зорилтын нэг чухал хэсэг юм.

Сүүлийн үед барилга барьж байгаа хүмүүс дотор сантехникийн асуудал, агааржуулалт маш чухал гэдгийг ойлгодог болжээ. Дэвшилттэй чанартай хамгийн гол нь нөхцөл байдалдаа тохирсон бараа бүтээгдэхүүнийг эрэлхийлдэг болсон байна. Ийм бүтээгдэхүүнүүдийг манайх оруулж ирдэг. Ерөнхийдөө манай компани 400 гаруй нэр төрлийн бүтээгдэхүүн оруулж ирдэг. 

Дулааны иж бүрэн зангилааны талаар манай уншигчдад тодруулж өгөөч.

Дулааны иж бүрэн зангилаа нь манай нөхцөлд маш сайн тохирсон, дулааны станцаас ирж буй дулааныг хэмнэлттэй, үр ашигтайгаар барилгуудад түгээдэг цогц систем юм. Энэ систем нь ялтсан дулаан солилцуур, насос, удирдлагын самбар, дамжуулах хоолой, автомат болон энгийн хаалт гэх мэт зүйлээс бүрддэг.

Сантехникийн чиглэлээр үйл ажилллагаа явуулж байгаа хувь хүн, албан байгуулагт сургалт зохион байгуулдаг юм байна. Энэ талаараа яриач?

Хамтран ажилладаг компаниудынхаа хүрээнд тоног хэрэгслээ таниулах зорилгоор сургалтыг жил бүр зохион байгуулдаг. Энэ жил гэхэд БНСУ-аас холбогдох мэргэжлийн инженерүүдийг урьж, тоног хэрэгслийг хэрхэн зөв сонгох, үр дүнтэй ашиглах талаар сургалт явуулсан. Энэхүү сургалтаар барилга, зураг, халаалт хөргөлтийн чиглэлийн 100 гаруй компаний 200 гаруй мэргэжилтэн, инженерүүд хамрагдсан. Мөн МСҮТ-д барилгын сантехник, гагнуурын чиглэлээр суралцдаг оюутнуудыг жил бүр  цалинтай дадлагажуулж, амжилттай төгсөгчдийг ажлын байраар хангадаг. 



MSN компани нь дөрвөн салбар дэлгүүртэй бөгөөд тэдгээрийн нэг BIG худалдааны төв дэх салбарт зочилсон юм. Тус дэлгүүрт бүх төрлийн ялтсан дулаан солилцуур, хаалт, холбоос, жийргэвч, насос, гагнадаг хоолойн холбоос зэрэг 400 гаруй нэр төрлийн тоноглол нь дотроо эд анги болон задраад 2000 шахам нэрийн хэрэгсэл худалдаалагдаж байна. Тус компани нь худалдан авагч хэрэглэгчиддээ 1 жилийн баталгаа, угсралтынхаа ажилд 3 жилийн баталгаа өгдөг.

Хямд төсрийг нь бодож Хятадаас сонголт муутайгаар авсан бүтээгдэхүүнээр угсралт хийлгэсэн тохиолдолд гэмтэл амархан авдаг, гэмтсэн хойноо эргээд сэлбэг нь олдохгүй байх нь элбэг, тийм тохиолдолд эргэн бүгдийг дахин шинээр сольж угсрах болдог. Мөн угсралт хийлгэсэн хүмүүстээ эргэн хандах баталгаагүй байдаг. Иймд аливаа сантехник дулааны угсралт хийлгэхэд гүйцэтгэгчээ маш зөв сонгох шаардлагатай юм байна. Хэрэглэгчийн тийм шаардлагыг “MSN” компани биелүүлж чаддаг нь баярлууштай.



Төв оффис
Баянзүрх дүүрэг 25-хороо, нарны зам 153-1 4 давхар 402 тоот
Вэб: www.zuunail.mn

Салбар дэлгүүр
BIG худалдааны төв-Лангуу 42. Утас 88022905,
Амгалан төв-Барилгын материалын худалдааны төв Б-5,6,7 Утас 98962123
Зуун айл-Цогтбаян худалдааны төв, солонгос барааны тасаг Утас 96288338