Иргэдийг хуурч, газрыг нь булаагаагүй гэлээ
Нийслэл хотод хэрэгжүүлж байгаа Гэр хорооллын дахин төлөвлөлтийн төслийг 24 байршил, 75 хэсэгчилсэн талбайд хэрэгжүүлэхээр болж, эдгээр газрыг инженерийн шугам сүлжээтэй холбон орон сууцжуулах ажлыг эхлүүлсэн. Одоогоор 22 байршлын 27 хэсэгчилсэн талбайд үндэсний дотоодын 39 аж ахуйн нэгжийг шалгаруулж, барилгын ажил гүйцэтгүүлэхээр болсон билээ. Ингэхдээ 1300 орчим өрх төсөл хэрэгжүүлэгчидтэй тохиролцон 78.3 га газрыг чөлөөлжээ. Хөтөлбөр хэрэгжиж эхэлснээс хойш 2014 онд 588, 2015 онд 1651 айлын орон сууцыг ашиглалтад оруулж, 2239 айл газраа орон сууцаар сольсон байна. Харин энэхүү дахин төлөвлөлттэй холбоотойгоор зарим иргэд барилгын компаниудад хууртсан, газраа алдаж хохирсон гэх мэдээллүүд хэвлэл мэдээллийн хэрэгслүүдээр цацагдсанд холбогдох албан тушаалтнууд, компаниудын төлөөлөл тайлбар хийлээ.
Тухайлбал, СХД-ийн 5-р хорооны иргэн Г.Цэрэнбат, СБД-ийн 11-р хорооны иргэн Ж.Туул нар дахин төлөвлөлт хэрэгжүүлж буй компаниудад хууртаж, газраа булаалгасан гэх мэдээлэл тархаад байсан юм. Иргэн Г.Цэрэнбат нь дахин төлөвлөлтийн төсөлд хамрагдах гэрээг 2013 оны 10-р сард “ЖиДи” компанитай байгуулсан ч, өнгөрөгч оны 10-р сард дахин гурван талт гэрээ байгуулж, газраа чөлөөлжээ. Гэвч тус компанийн зүгээс өнгөрсөн хугацаанд түрээсийн зардал өгөөгүй, хашаа байшингийнх нь хаалгыг таглаж, цахилгааныг нь таслан гудамжинд гаргаснаас болж хоёр хүүхэд нь нас барсан гэх зэргээр ташаа мэдээлсэн хэмээн Г.Цэрэнбатын охин тайлбарлажээ. Гэтэл үнэн хэрэгтээ тухайн газар нь төслийн эхний ээлжийн барилга угсралтын талбайд багтаагүй учраас газрыг чөлөөлөхийг яаруулаагүй, чөлөөлсөн тохиолдолд иргэн өөрөө түрээсийн зардлаа хариуцахгүй гэсэн нөхцөлийг Г.Цэрэнбат зөвшөөрч, гэрээ байгуулсан аж. Тэрээр цахилгаан ашиглахгүй шалтгаанаар хүсэлт гаргаж, таслуулсан юм байна.
Харин иргэн Ж.Туулын газрыг авахдаа бага үнээр худалдах, худалдан авах гэрээг байгуулж, байраа хурдан чөлөөлөхийг шаардан гэрийг нь сүйтгэж, хохирол учруулсан гэх мэдээлэл цацагдсан нь мөн ташаа ойлголт хэмээн албаны хүмүүс хэллээ. Ж.Туул нь тус дүүргийн нутаг дэвсгэрт орших 96 тоот хаягт амьдардаг ч, газар, үл хөдлөх эд хөрөнгийн өмчлөх, эзэмших гэрчилгээгүй, хууль ёсны өмчлөгч биш байсан гэж тайлбарласан юм.
Тухайлбал, СХД-ийн 5-р хорооны иргэн Г.Цэрэнбат, СБД-ийн 11-р хорооны иргэн Ж.Туул нар дахин төлөвлөлт хэрэгжүүлж буй компаниудад хууртаж, газраа булаалгасан гэх мэдээлэл тархаад байсан юм. Иргэн Г.Цэрэнбат нь дахин төлөвлөлтийн төсөлд хамрагдах гэрээг 2013 оны 10-р сард “ЖиДи” компанитай байгуулсан ч, өнгөрөгч оны 10-р сард дахин гурван талт гэрээ байгуулж, газраа чөлөөлжээ. Гэвч тус компанийн зүгээс өнгөрсөн хугацаанд түрээсийн зардал өгөөгүй, хашаа байшингийнх нь хаалгыг таглаж, цахилгааныг нь таслан гудамжинд гаргаснаас болж хоёр хүүхэд нь нас барсан гэх зэргээр ташаа мэдээлсэн хэмээн Г.Цэрэнбатын охин тайлбарлажээ. Гэтэл үнэн хэрэгтээ тухайн газар нь төслийн эхний ээлжийн барилга угсралтын талбайд багтаагүй учраас газрыг чөлөөлөхийг яаруулаагүй, чөлөөлсөн тохиолдолд иргэн өөрөө түрээсийн зардлаа хариуцахгүй гэсэн нөхцөлийг Г.Цэрэнбат зөвшөөрч, гэрээ байгуулсан аж. Тэрээр цахилгаан ашиглахгүй шалтгаанаар хүсэлт гаргаж, таслуулсан юм байна.
Харин иргэн Ж.Туулын газрыг авахдаа бага үнээр худалдах, худалдан авах гэрээг байгуулж, байраа хурдан чөлөөлөхийг шаардан гэрийг нь сүйтгэж, хохирол учруулсан гэх мэдээлэл цацагдсан нь мөн ташаа ойлголт хэмээн албаны хүмүүс хэллээ. Ж.Туул нь тус дүүргийн нутаг дэвсгэрт орших 96 тоот хаягт амьдардаг ч, газар, үл хөдлөх эд хөрөнгийн өмчлөх, эзэмших гэрчилгээгүй, хууль ёсны өмчлөгч биш байсан гэж тайлбарласан юм.