Барилгын салбарт шинээр нэвтрүүлж буй нэгэн дэвшилтэт технологи бол тоосго өрөгч робот юм. Энэ нь барилгын мэргэжлийн өрлөгчнөөс гурав дахин илүү хурдтай ажиллах хүчин чадалтай учраас барилгын ажлыг хэд дахин хөнгөвчлөх давуу талтай. Semi-Automated Mason буюу SAM робот нь тоосгыг зөөж, тодорхой байрлалд нь өрж, тоосгон өрлөгийг өнгө үзэмжтэй, жигдхэн ур чадвартайгаар гүйцэтгэдгээрээ давуу талтай.

     Энэ нь онолын зураглал ба барилгын жинхэнэ талбай хоёрын хоорондын ялгаа гэх мэт ажлын талбар дахь нөхцөлд зохицон ажиллах чадвартай. Түүнчлэн зургийн пиксел зураглалын дагуу аливаа компанийн логог гаргах, хананд хээ гаргах зэрэг жижиг чимхлүүр ажлыг ч гүйцэтгэх боломжтой. Барилгын өрлөгчин хүн өдөрт 300-500 тоосго өрдөг бол SAM нь 800-1200 тоосгыг өрдөг.