“Real Properties Ulaanbaatar” компанийн гаргасан Үл хөдлөх хөрөнгийн зах зээлийн тоймоос оффисийн талбайн үнэ ханшийн мэдээллийг онцлон хүргэе. Өнгөрөгч оны 12-р сарын байдлаар нийслэл хотын төвийн дүүргүүдэд оффисийн талбайн ам метрийн түрээслэх дундаж үнэ 29 мянга, худалдах дундаж үнэ 3 сая 700 мянган төгрөг байжээ. 2015 оны 1-12 дугаар сарын түрээсийн дундаж үнийг харьцуулахад 4 ба 6-р сард өсөлттэй байсан ч, 7-р сараас буурч эхэлсэн аж.

     Харин дээрх хугацаанд ам метрийн худалдах дундаж үнийг харьцуулахад мөн 7-р сараас үнэ буурсан үзүүлэлт гарчээ. Тухайлбал, 12-р сарын дундаж үнийг өмнөх сарынхтай харьцуулахад 1,5 хувиар буурсан байна. Оффисийн зах зээлийн өнгөрсөн сарын тойм мэдээлэл болон үнэ, үнийн өөрчлөлтөд нөлөөлж буй хүчин зүйлсийн талаарх дэлгэрэнгүй мэдээллийг хүлээн авна уу.