Ипотекийн зээлийг 5 хувь, урьдчилгааг 20 хувь болгохоор жагсаал хийнэ
Улсын комисс хүлээн авсан нийт 18 000 айлын орон сууц, барилга угсралтын явц нь 50 хувийн гүйцэтгэлтэй 24 000 гаруй орон сууц бэлэн байгаа энэ үед арилжааны банкууд ипотекийн зээл олгохоо түр зогсоогоод байсан. Орон сууцны нийлүүлэлт байгаа ч худалдан авах чадамжтай иргэдийн тоо хангалтгүйгээс барилгын компаниуд, худалдан авагчдын аль алин нь хүндхэн байдалд орсон өнөөгийн нөхцөл байдалд ипотекийн зээлийг 5 хувь, урьдчилгааг 20 хувь болгох шийдвэрийг дэмжиж, Монголын барилгын үндэсний ассоциаци, Монголын барилгачдын үйлдвэрчний эвлэлүүдийн холбоо, Монголын барилгын материалын холбоо зэрэг барилгын салбарын төрийн бус байгууллагууд нэгдэн мэдэгдэл хийлээ.
Мэдэгдэлд, эдийн засгийн хямралын үед үндсэн хуулийн цэцийн шийдвэрээр арилжааны банкуудаар олгогдож байсан ипотекийн зээл зогссоноор барилга бүтээн байгуулалтын салбарыг гацаанд оруулж, иргэд болон барилгын аж ахуйн нэгжүүдэд хүндрэл бэрхшээл дагуулах боллоо. Энэхүү уналтад орсон нөхцөл байдлыг даван туулахад ипотекийн зээлийг 5 хувь, урьдчилгаа төлбөрийг 20 хувь болгож, цаг алдалгүй эхлүүлэх хэрэгтэй гэлээ. Уг асуудлыг дэмжиж, энэ сарын 20-нд тайван жагсаал зохион байгуулах гэнэ.
Монголын Барилгын Үндэсний Ассоциацийн гүйцэтгэх захирал Б.Нэмэхбаатар, “Барилгын салбар өнгөрсөн есдүгээр сараас зогсонги байдалд орж, орон сууцны моргейжийн зээл удааширч, олголтыг зогсоосон. Бид энэ тухай удаа дараа ярилцсаны эцэст сая УИХ-ын дарга З.Энхболд УИХ-аар хэлэлцэн Үл хөдлөх хөрөнгийн барьцааны тухай хууль болон Иргэний хуульд нэмэлт өөрчлөлт оруулах замаар энэ гацааг арилгасан гэж үзэж байна. Цаашдаа эдгээр хуулийг хэрэгжүүлэх, ипотекийн зээлийг урт хугацаанд тогтвортой, бүтээмжтэй хэрэгжүүлэхэд төр засагтайгаа төрийн бус мэргэжлийн байгууллагууд хамтран ажиллах болно.
Бидний зүгээс ипотекийн зээлд хамруулахдаа метр квадратын хэмжээг дээд тал нь 80 м гэж заасныг нэмэх, зээлийн хүүг 5 хувь болгож, үүнтэй холбогдох журам гаргах, энэхүү зээлийн үргэлжлэх хугацааг 30 жил болгох зэрэг асуудлыг эдийн засгийн харилцаанд зохицуулж, шийдвэрлэхэд анхаарч ажиллах болно” гэсэн юм.
Мэдэгдэлд, эдийн засгийн хямралын үед үндсэн хуулийн цэцийн шийдвэрээр арилжааны банкуудаар олгогдож байсан ипотекийн зээл зогссоноор барилга бүтээн байгуулалтын салбарыг гацаанд оруулж, иргэд болон барилгын аж ахуйн нэгжүүдэд хүндрэл бэрхшээл дагуулах боллоо. Энэхүү уналтад орсон нөхцөл байдлыг даван туулахад ипотекийн зээлийг 5 хувь, урьдчилгаа төлбөрийг 20 хувь болгож, цаг алдалгүй эхлүүлэх хэрэгтэй гэлээ. Уг асуудлыг дэмжиж, энэ сарын 20-нд тайван жагсаал зохион байгуулах гэнэ.
Монголын Барилгын Үндэсний Ассоциацийн гүйцэтгэх захирал Б.Нэмэхбаатар, “Барилгын салбар өнгөрсөн есдүгээр сараас зогсонги байдалд орж, орон сууцны моргейжийн зээл удааширч, олголтыг зогсоосон. Бид энэ тухай удаа дараа ярилцсаны эцэст сая УИХ-ын дарга З.Энхболд УИХ-аар хэлэлцэн Үл хөдлөх хөрөнгийн барьцааны тухай хууль болон Иргэний хуульд нэмэлт өөрчлөлт оруулах замаар энэ гацааг арилгасан гэж үзэж байна. Цаашдаа эдгээр хуулийг хэрэгжүүлэх, ипотекийн зээлийг урт хугацаанд тогтвортой, бүтээмжтэй хэрэгжүүлэхэд төр засагтайгаа төрийн бус мэргэжлийн байгууллагууд хамтран ажиллах болно.
Бидний зүгээс ипотекийн зээлд хамруулахдаа метр квадратын хэмжээг дээд тал нь 80 м гэж заасныг нэмэх, зээлийн хүүг 5 хувь болгож, үүнтэй холбогдох журам гаргах, энэхүү зээлийн үргэлжлэх хугацааг 30 жил болгох зэрэг асуудлыг эдийн засгийн харилцаанд зохицуулж, шийдвэрлэхэд анхаарч ажиллах болно” гэсэн юм.