Нийслэлийн өмчийн харилцааны газраас дараах барилгуудын өмчлөх эрхийн гэрчилгээг холбогдох компаниудад нь шилжүүлсэн тухай мэдээллийг ирүүллээ. Үүнд, "Эко Тунамал", "Таван богд трейд" компанид худалдан авсан барилгынх нь өмчлөх эрхийн гэрчилгээг олгосон байна. Тухайлбал, "Эко Тунамал" компанийн харъяа МУ-ын иргэн З.Пүрэв-Очирт дөрвөн тэрбум гурван зуун хорин сая төгрөгөөр худалдан авсан “Шүд эрүү нүүрний эмгэг судлалын төв”-ийн барилга, "Таван богд трейд" компанийн хорин гурван тэрбум найман зуун тавин сая төгрөгөөр худалдан авсан Улаанбаатар сонины хэвлэх үйлдвэрийн барилгын “Өмчлөгчийн эрх”-ийг шилжүүлэн олгожээ.