427 тэрбум төгрөгийн хөрөнгө оруулалтыг бүтээн байгуулалтын ажилд зориулна
Нийслэлийн ИТХ-ын төлөөлөгчид, Нутгийн захиргааны удирдлагын байгууллагууд, Улаанбаатар хотын Худалдааны танхимын гишүүд, Олон улсын байгууллага, аж ахуйн нэгж байгууллагуудын гээд мянга гаруй төлөөлөгчдийг оролцуулсан “Улаанбаатар худалдан авалт 2016” чуулга уулзалтыг НЗДТГазар, Худалдааны танхимаас хамтран зохион байгууллаа. Уулзалтад "Улаанбаатар хот - хөрөнгө оруулалт 2016", "Ногоон худалдан авалт", "Төр, хувийн хэвшлийн түншлэл", “Найрсаг Улаанбаатар” хөтөлбөр, "Улаанбаатар хотын Худалдааны танхимын дэргэдэх Арбитр", "Хог хаягдлын менежментийг сайжруулах эко парк төсөл", “Эко Улаанбаатар”, "Нийслэлийн концессын худалдан авалт", “Улаанбаатар хотын хөгжлийн корпораци” ХК ба төр хувийн хэвшлийн түншлэл, "Нийслэлийн орон сууцны төсөл, хөтөлбөр, хувийн хэвшлийн оролцоо" зэрэг илтгэлүүдийг танилцуулсан юм.
Нийслэлээс энэ онд бүтээн байгуулалтын салбарт 427 тэрбум төгрөгийн хөрөнгө оруулалт хийхээс 203,5 тэрбумыг нь нийслэлийн төсөв, 120 тэрбумыг нь Хөгжлийн банк, 103,4 тэрбумыг нь орон нутаг болон улсын төсвөөс гаргах аж. Гэхдээ энэ бүх бүтээн байгуулалтын ажлыг хувийн хэвшлийнхнээр гүйцэтгүүлэх, тэдний үйл ажиллагааг дэмжихэд голлож ажиллана гэдгээ НЗД-ын Санхүү, эдийн засгийн асуудал хариуцсан орлогч Н.Батаа илтгэлдээ онцоллоо.
Нийслэлийн төсвийн хөрөнгө оруулалтаас хариуцах 203.5 тэрбум төгрөгийн санхүүжилтээс 59.3 тэрбумыг хот байгуулалт, 55.1 тэрбумыг авто зам, 31.7 тэрбумыг нийгмийн салбарт зориулах аж. Түүнчлэн 12.9 тэрбумыг инженерийн дэд бүтэц, 11.3 тэрбумыг нийтийн тээвэр, 7.5 тэрбумыг хот тохижилт, 6.1 тэрбумыг төр захиргааны салбарт зарцуулж, 19,1 тэрбум төгрөгөөр бусад төрлийн ажлыг санхүүжүүлэхээр болжээ.
Нийслэл хотын захиргаанаас цаашид хувийн хэвшлийнхнийг дэмжиж, бүтээн байгуулалтын ажлуудад хамтрах, газар олголт, хөрөнгө оруулалт зэрэг төрийн байгууллагаас шалтгаалах асуудлуудыг шийдвэрлэж өгөх зэргээр харилцан туслалцаж ажиллана гэдгийг нийслэлийн Засаг дарга бөгөөл Улаанбаатар хотын захирагч Э.Бат-Үүл мэдэгдлээ. Уулзалтын үеэр оролцогчдын дунд нээлттэй хэлэлцүүлэг өрнүүлж, нийслэлийн удирдлагууд оролцогчдын асуултад хариулт өгсөн юм.
Хувийн хэвшлийнхний зүгээс, Улаанбаатар хотын Худалдааны танхим байгуулагдсан нь аж ахуйн нэгжүүд хотын захиргаатай хамтран ажиллах таатай нөхцөл бүрдүүлж, хүнд суртлыг багасган, ажлыг хөнгөвчилж өгсөн хэмээн дурдаж байлаа. Гэсэн ч цаашид төр захиргааны байгууллагын дунд шатанд гардаг аливаа хүнд суртал, бэрхшээлийг арилгах тал дээр анхаарал хандуулах хэрэгтэйг хэлж байсан юм.
Нийслэлээс энэ онд бүтээн байгуулалтын салбарт 427 тэрбум төгрөгийн хөрөнгө оруулалт хийхээс 203,5 тэрбумыг нь нийслэлийн төсөв, 120 тэрбумыг нь Хөгжлийн банк, 103,4 тэрбумыг нь орон нутаг болон улсын төсвөөс гаргах аж. Гэхдээ энэ бүх бүтээн байгуулалтын ажлыг хувийн хэвшлийнхнээр гүйцэтгүүлэх, тэдний үйл ажиллагааг дэмжихэд голлож ажиллана гэдгээ НЗД-ын Санхүү, эдийн засгийн асуудал хариуцсан орлогч Н.Батаа илтгэлдээ онцоллоо.
Нийслэлийн төсвийн хөрөнгө оруулалтаас хариуцах 203.5 тэрбум төгрөгийн санхүүжилтээс 59.3 тэрбумыг хот байгуулалт, 55.1 тэрбумыг авто зам, 31.7 тэрбумыг нийгмийн салбарт зориулах аж. Түүнчлэн 12.9 тэрбумыг инженерийн дэд бүтэц, 11.3 тэрбумыг нийтийн тээвэр, 7.5 тэрбумыг хот тохижилт, 6.1 тэрбумыг төр захиргааны салбарт зарцуулж, 19,1 тэрбум төгрөгөөр бусад төрлийн ажлыг санхүүжүүлэхээр болжээ.
Нийслэл хотын захиргаанаас цаашид хувийн хэвшлийнхнийг дэмжиж, бүтээн байгуулалтын ажлуудад хамтрах, газар олголт, хөрөнгө оруулалт зэрэг төрийн байгууллагаас шалтгаалах асуудлуудыг шийдвэрлэж өгөх зэргээр харилцан туслалцаж ажиллана гэдгийг нийслэлийн Засаг дарга бөгөөл Улаанбаатар хотын захирагч Э.Бат-Үүл мэдэгдлээ. Уулзалтын үеэр оролцогчдын дунд нээлттэй хэлэлцүүлэг өрнүүлж, нийслэлийн удирдлагууд оролцогчдын асуултад хариулт өгсөн юм.
Хувийн хэвшлийнхний зүгээс, Улаанбаатар хотын Худалдааны танхим байгуулагдсан нь аж ахуйн нэгжүүд хотын захиргаатай хамтран ажиллах таатай нөхцөл бүрдүүлж, хүнд суртлыг багасган, ажлыг хөнгөвчилж өгсөн хэмээн дурдаж байлаа. Гэсэн ч цаашид төр захиргааны байгууллагын дунд шатанд гардаг аливаа хүнд суртал, бэрхшээлийг арилгах тал дээр анхаарал хандуулах хэрэгтэйг хэлж байсан юм.