Эртнээс нааш орон сууц гэдэг хүн төрөлхтний амин чухал хэрэгцээ, нийгмийн тогтвортой байдлыг баталгаажуулах гол зангилаа байсаар ирсэн. Эхэн үедээ байгалийн хүчин зүйлсээс хамгаалах, хоол, хүнсээ хадгалах, амрах төдий үүрэгтэй байсан сууц хүн төрөлхтний хөгжил, хэрэгцээг даган өөрчлөгдсөөр  өдгөө амьдралын хэв маягийг хөнгөвчлөх, ямар ч бухимдалгүй, амар тайван амьдрах нөхцөлөөр хангах буюу нэг үгээр “Тансаг” гэж нэрийдэх орон сууцанд хүн бүхэн хошуурах болжээ.

Тансаг орон сууц гэдэг “амьдрах урлаг”

Тансаг орон сууцны тоо, чанараараа дэлхийд дээгүүрт орох Сингапур улсад гэхэд 5.5 сая хүн амтайгаас 90 хувь нь орон сууцанд хамрагдсан. Олон улсын Архитектурын Их наадамд дэлхийн шилдэг барилгаар шалгарсан “The Interlace”, тагтан дээрээ автомашины граштай “Хамилтан Скоттс” зэрэг өвөрмөц хэв маягтай, хүний дээд зэргээр тавлаг амьдрах нөхцлийг хангасан, гайхамшигт интерьер загвар бүхий олон тансаг орон сууцыг нэрлэж болно.

“Wikipedia” цахим хуудаст бичсэнээр, Америкт нэг сая ам.доллараас дээш үнэтэй орон сууц тансаг ангилалд багтдаг аж. Гэхдээ орчин үед үнээр зааглан тогтоосон энэ хэмжүүр тун бүдүүн баарагт тооцогдох болсон. Нөгөө талаас, улс, хотоосоо хамаараад орон сууцны үнэ харилцан адилгүй тул үнээс гадна байрны хэмжээ (ам метр), байршил, цонхоор үзэгдэх орчин, ногоон байгууламж, аюулгүй байдал, ерөнхий төлөвлөлт, дэд бүтэц, консьерж /угтах/ үйлчилгээ, болон бусад үйлчилгээний төвүүд багтахын сацуу эдгээр нь хүний хэрэгцээнд хэр нийцсэн зэрэг үзүүлэлт нь үл хөдлөх хөрөнгийн үнэ цэнийг бий болгодог.

Харин Монгол Улсад 2006 оноос эхлэн Tower, Residence, Village, Apartment хэмээгдэх Luxury буюу “Тансаг” зэрэглэлийн орон сууц баригдах болсон. Эдгээрийн ихэнх нь хотын “А” зэрэглэлийн бүсэд байршилтай, ногоон байгууламжийн хувьд олон улсын жишгээс нэг их зөрөөгүй, техник технологийн дэвшил, уран барилгын өвөрмөц шийдэл, консьерж үйлчилгээ зэрэг шалгуурт тэнцэх болсон билээ. Мөн “International Prop-erty Awards” олон улсын үл хөдлөх хөрөнгийн шилдгийг шалгаруулах наадмаас тэргүүн шагналыг хүртээд эхэллээ.

Гэвч сайны хажуугаар саар зүйл ч байдаг. Манайд орон сууцны зэрэглэлээр ангилсан стандарт, норм, дүрэм байдаггүйгээс барилга гэдэг нүсэр байгууламжийг зоосны нүхээр харсан нөхөд тансаг зэрэглэлийн шаардлага хангахгүй, ердийн буюу байдаг л нэг орон сууцыг “Тансаг” хэмээн нэрийдэн сурталчилж, зарах нь элбэг боллоо. Эрхзүйн зохицуулалтгүй орчинд энэ төрлийн бизнес хяналтгүй цэцэглэх шатандаа байна гэхэд хилсдэхгүй болов уу. Цахилгаан шат нь чахарсан, агааржуулалтын төхөөрөмжгүй, чанаргүй, хүний эрүүл мэндэд сөрөг нөлөөтэй материал ашигласан,  таазнаасаа шал хүрсэн цэлгэр цонх нь зундаа шарлаж, өвөлдөө цантаж, хөлдсөн байдалтай “Тансаг” гэгдэх орон сууц сүндэрлэсээр байна. Гэсэн атлаа ам метр талбайн үнэ нь 2,5-10 сая төгрөг буюу дэлхийн томоохон хотуудын жишигтэй ойролцоо түвшинд хүрчихсэн байх юм.

Сингапур 15,251$ /30сая/
Швейд 6,991€ /15сая/
Хятад 6,932$ /14сая/
Герман 4,078€ /9сая/
Тайланд 3,952$ /8сая/
Малайз 2,616$ /5сая/
Эх сурвалж: www.globalpropertyguide.com

Тэгвэл тансаг орон сууцны ерөнхий үзүүлэлтийн талаарх мэдээллийг хүргье. Ийм төрлийн орон сууц худалдан авсан, цаашид авахаар төлөвлөж буй иргэд доорх шалгуур үзүүлэлтийг харах нь зүйтэй юм.

/Төмөр карказ эсвэл бүрэн цутгамал/

/Сантехникийн материал, шал, хаалга, цонх, цахилгаан, агааржуулалт, ванн, суултуур/

/Гал унтраах систем, галын дохиолол өгөх, эрчим хүчний хэмнэлттэй систем, хаалга, цонхны дохиолол, ус, чийгний хамгаалалт, домофон, агаар сорогчтой, камин зуух гэх мэт/
 

 

/хүүхдийн тоглоом болон тоглох талбайн аюулгүй байдал/

/таазны өндөр, ариун цэврийн өрөөний тоо, интерьер засал, цонхны хэмжээ/

/Бассейн, фитнесс, супермаркет, зоогийн газар, кафе, дуудлагын үйлчилгээ, бусад төвүүд байрласан/
 

Эх сурвалж: “Master Properties” үл хөдлөх хөрөнгө зуучлалын агентлаг
Амьдралынхаа хамгийн жаргалтай мөчүүдийг эдлэх бас үдэж, угтдагийн хувьд орон сууц худалдан авах гэдэг хүн амьдралдаа хийх томоохон сонголтын нэг байдаг.
Иймд:

Ингэснээр тансаг орон сууц хэмээн иргэдийг төөрөгдүүлсэн ойлголтыг илрүүлэх, иргэдэд таниулж, энэ талаарх мэдээллийг олгох, хамгийн гол нь компаниудад өөр хоорондоо өрсөлдөх, хөгжих хэмжээнд аваачиж, энэ чиглэлийг олон улсын түвшинд хүргэхэд чухал нөлөөтэй.