Барилга, Хот Байгуулалтын сайд З.Баянсэлэнгийн гэрийг онцолж байна. Барилгын салбарыг удирдаж яваа тэрээр гэр хороололд тохилог, сайхан амьдарч болдгийг харуулж буй өнөөгийн УИХ-ын цор ганц гишүүн билээ. Тиймээс түүний гэрийн экстрьери, интерьер заслыг танилцуулахаар бэлтгэсэн юм.


      Тэрээр хотод ирж суурьших болсноос хойш Чингэлтэй дүүргийн 17-р хороонд нэлээд өндөрлөг газарт төвхнөжээ. Одоогийн байшингаа 2012 онд барьсан бөгөөд таван өрөөтэй аж /4 унтлагын өрөө, 2 угаалгын өрөө, хувцасны өрөө\. Гэрийнхээ интерьерийн ерөнхий санааг сайд өөрөө гарган, Фенг-шуйд сүсэгтэй тул байшингийнхаа тохижилтыг аль болох зөв энерги хуримтлуулах санаанаас зохион байгуулсан гэнэ. Зочны өрөөнд нар эгц дээрээс тусахаар шийдэж, болор эдлэл, хонх, зааны цуглуулгаа байрлуулжээ. 

Т.Түвшинжаргалынх хэмээх энэ өрх айлын гишүүдийг товчхон танилцуулъя.

Сайдын ээж Аюурын Норжинсүрэн гуай. БХЯ-ны Холбооны ангид насаараа ажилласан бөгөөд хожим нь Чингэлтэй дүүргийн Засаг даргын албыг ч 17 жил хашиж байжээ. З.Баянсэлэнгэ сайдын нөхөр, өрхийн тэргүүн нь Тогтохын Түвшинжаргал юм. Одоо Чингэлтэй дүүргийн тавдугаар хорооны нийгмийн ажилтнаар ажилладаг гэнэ. Харин том хүү Т.Болдбаатар нь Төмөр замын дээд сургуулийн инженерийн ангийг дүүргэсэн. Бага охин Т.Түмэнхүслэн нь Хятад хэлний сургалттай “Үй цай” дунд сургуулийн долдугаар ангид суралцаж байна. Тэднийх ийм нэгэн эгэл төрхтэй, амгалан тайван гэр бүл ажээ.

/Зочны өрөө/
 

/Сайдын унтлагын өрөө/
 

 

/Том хүү Т.Болдбаатарын өрөө/