Нийслэлийн удирдлагын зөвлөлийн ээлжит хуралдаанаар Улаанбаатар хот дахь зөрчилтэй барилгууд болон нийтийн тээврийн үйлчилгээний удирдлага, мэдээллийн цахим системийн талаар хэлэлцэв. Засаг даргын хөрөнгө оруулалтын асуудал хариуцсан орлогч С.Очирбат хотод баригдаж буй барилгад зөрчил олширсон талаар танилцууллаа. Түүний танилцуулснаар нийслэлийн хэмжээний барилгуудад Мэргэжлийн хяналтын газар, Ерөнхий төлөвлөгөөний газраас хамтран шалгалт хийхэд зөрчилтэй 65 барилга, шинээр баригдсан 13 барилгаас зөрчил илэрчээ. Эдгээр барилгуудад хуулийн дагуу арга хэмжээ авч, барилгын угсралтыг зогсоож, цахилгаан эрчим хүчийг тасалсан байна. Шалгалтын явцад Баянгол дүүрэгт ашиглалтын шаардлага хангаагүй барилга хамгийн их байсан аж. Барилга барих зөвшөөрөл авсан компаниудын тоо 2015 оны байдлаар гурав дахин байна. 

Харин барилгын ажлын үеэр ажлын байран дээрх осол 37 барилга дээр гарсан. Цаашид зөрчилтэй барилга, байгууламжийг хэвлэл мэдээллийн хэрэгслээр ил тод болгож, бүрэн дуусч байнгын ашиглалтад ороогүй барилгад иргэд захиалга өгч хохироогүй байх тал дээр арга хэмжээ авах үүргийг Мэргэжлийн хяналтын газар болон Ерөнхий төлөвлөгөөний газарт өглөө.