Улаанбаатар хотод одоогийн байдлаар дөрвөн баллын газар хөдлөлтөд нурах аюултай, ашиглалтаас гарсан 150 барилга байна. Үүнээс эхний ээлжинд актлагдсан 87 барилгыг дахин төлөвлөлтөд хамруулав. Актлагдсан орон сууцуудыг дахин төлөвлөлтөд хамруулж, шинэчлэн барихдаа иргэдийн саналыг авна. Ингэхдээ оршин суугчдын 80 хувь нь дэмжвэл дахин төлөвлөлтийг хэрэгжүүлэх барилгын компаниудыг нийслэлээс шалгаруулах юм. Тухайн газарт компаниуд барилга барьж, хуучин оршин суугчдад өмнөх байрных нь талбайн хэмжээгээр метр квадратыг тооцож, шинэ орон сууц өгнө. Үлдсэн барилгын талбай, орон сууцаа компаниуд өөрсдөө борлуулж, барилга барьсан хөрөнгөө олж авах юм.