Зай талбайг ухаалгаар ашиглаж, багахан талбайд олон хэрэгтэй зүйлсээ багтаах дуртай оршин суугчдад таалагдах нэгэн өвөрмөц цонхыг мэргэжилтнүүд бүтээжээ. Блүүмфрэйм гэх энэхүү цонхыг ганцхан товчлуураар тагт болгон хувиргах ид шидийг Хофман Дуардин, Каунер компанийн зохион бүтээгчид олон жилийн турш судалсны эцэст ийнхүү ажил хэрэг болгосон байна.

     Үүнийг анх 2008 онд санаачлан төслийг эхлүүлж, тухайн жилийнхээ сүүлчээр видео танилцуулгыг нь Парисын “Батимат” үзэсгэлэн яармаг дээр танилцуулж байжээ. Харин энэ гайхалтай бүтээлийг энэ оноос тансаг болон дээд зэрэглэлийн орон сууцнуудад ашиглаж эхлэхээр болжээ.

     Блүүмфрэйм цонх нь шаланд гэрэл үл тусгах зориулалттай бөгөөд хоёр давхар шил нь агаар сайн нэвтрүүлэх, дуу чимээг тусгаарлах гээд олон ач холбогдолтой аж. Зохион бүтээгчид нь уг цонхны одоогийн давуу талуудыг үргэлжлүүлэн хөгжүүлж, улам сайжруулахаар ажилласаар байгаа гэнэ. Энэхүү “цонхон тагт” нь тун удахгүй байшин барилга бүхэнд ашиглагдаж, айл болгоны хэрэглээнд өргөнөөр нэвтэрнэ гэдэгт зохион бүтээгчид нь найдаж байгаагаа хэллээ.