Барилгын салбарынхны “Улаанбаатар Барилга 2016” үзэсгэлэн нээлтээ хийлээ
Барилгын салбарынхны дунд 11 дэх жилдээ уламжлал болон зохион байгуулагдаж буй “Улаанбаатар Барилга 2016” үзэсгэлэн өнөөдөр Мишээл Барилгын Их Дэлгүүрт нээлтээ хийлээ. Энэ сарын 14-нийг хүртэл арав хоногийн турш үргэлжлэх уг үзэсгэлэнг Барилга хот байгуулалтын яам, Барилгын хөгжлийн төв, Стандартчилал хэмжилзүйн газар, Мишээл экспо төвөөс хамтран зохион байгуулж, Төрийн орон сууцны корпораци, Нийслэлийн орон сууцны корпораци, Мишээл Барилгын Их Дэлгүүрээс дэмжин ажиллаж байгаа аж.
Эдийн засгийн хүндрэл бэрхшээл барилгын салбарт буюу орон сууцны борлуулалтад хамгийн хүндээр тусч эхэлсэн, ипотекийн зээлийн хүүг бууруулах, Түрээсийн орон сууц хөтөлбөрийг хэрэгжүүлж эхэлж буй энэ цаг үед болж буйгаараа онцлогтой энэ удаагийн үзэсгэлэнгийн ач холбогдол нь өндөр байна гэсэн таамаг хүлээлт салбарын бизнес эрхлэгчдийн дунд бий гэхэд хилсдэхгүй болов уу. Тиймдээ ч өвлийн хүйтэн өдрүүд цаашилж буйтай давхцан зохион байгуулагдаж буй “Улаанбаатар Барилга 2016” үзэсгэлэнд бизнес эрхлэгч, үйлдвэрлэгчид маш идэвхтэй оролцож байна.
Барилгын материал үйлдвэрлэл ба импорт, шинэ техник технологи нэвтрүүлэгч, орон сууц борлуулалт, хот тохижилтын чиглэлээр үйл ажиллагаа явуулж буй аж ахуйн нэгжүүдээс гадна Төрийн орон сууцны корпораци, Нийслэлийн орон сууцны корпораци, Барилгын хөгжлийн төв зэрэг төрийн байгууллагууд тус үзэсгэлэнд оролцон, үйл ажиллагаагаа иргэдэд нээлттэй танилцуулж байна.
Үзэсгэлэнд оролцогч 120 гаруй аж ахуйн нэгжийн дотор шинэ, дэвшилтэт технологийг манай улсад нэвтрүүлж буй Хятад, Солонгос, Япон, Герман, Орос, Польш зэрэг гадаадын хэд хэдэн компани оролцож, өөрсдийн бүтээгдэхүүн үйлчилгээг танилцуулахаар зэхжээ.
“Улаанбаатар Барилга 2016” үзэсгэлэнгийн нээлтэд БХБ-ын сайд З.Баянсэлэнгэ, СХЗГ-ын дарга Г.Гантөмөр, НИТХ-ын тэргүүлэгч, “Мишээл Групп” ХХК-ийн Ерөнхий захирал Б.Энх-Амгалан, ТОСК-ийн Ерөнхий захирал А.Гантулга, НОСК-ийн гүйцэтгэх захирал Б.Тэлмэн болон бизнес эрхлэгчдийн төлөөллүүд оролцож, арга хэмжээг эхлүүлснийг мэдэгдэн тууз хайчилсан юм.
Үзэсгэлэн Мишээл Барилгын Их Дэлгүүрт 10 хоног үргэлжлэх тул барилгын материал, орон сууц худалдан авахаар төлөвлөж буй иргэд хүрэлцэн ирж, хүссэн мэдээллээ нэг дороос авах боломж нээлттэй гэдгийг дуулгая.
Эдийн засгийн хүндрэл бэрхшээл барилгын салбарт буюу орон сууцны борлуулалтад хамгийн хүндээр тусч эхэлсэн, ипотекийн зээлийн хүүг бууруулах, Түрээсийн орон сууц хөтөлбөрийг хэрэгжүүлж эхэлж буй энэ цаг үед болж буйгаараа онцлогтой энэ удаагийн үзэсгэлэнгийн ач холбогдол нь өндөр байна гэсэн таамаг хүлээлт салбарын бизнес эрхлэгчдийн дунд бий гэхэд хилсдэхгүй болов уу. Тиймдээ ч өвлийн хүйтэн өдрүүд цаашилж буйтай давхцан зохион байгуулагдаж буй “Улаанбаатар Барилга 2016” үзэсгэлэнд бизнес эрхлэгч, үйлдвэрлэгчид маш идэвхтэй оролцож байна.
Барилгын материал үйлдвэрлэл ба импорт, шинэ техник технологи нэвтрүүлэгч, орон сууц борлуулалт, хот тохижилтын чиглэлээр үйл ажиллагаа явуулж буй аж ахуйн нэгжүүдээс гадна Төрийн орон сууцны корпораци, Нийслэлийн орон сууцны корпораци, Барилгын хөгжлийн төв зэрэг төрийн байгууллагууд тус үзэсгэлэнд оролцон, үйл ажиллагаагаа иргэдэд нээлттэй танилцуулж байна.
Үзэсгэлэнд оролцогч 120 гаруй аж ахуйн нэгжийн дотор шинэ, дэвшилтэт технологийг манай улсад нэвтрүүлж буй Хятад, Солонгос, Япон, Герман, Орос, Польш зэрэг гадаадын хэд хэдэн компани оролцож, өөрсдийн бүтээгдэхүүн үйлчилгээг танилцуулахаар зэхжээ.
“Улаанбаатар Барилга 2016” үзэсгэлэнгийн нээлтэд БХБ-ын сайд З.Баянсэлэнгэ, СХЗГ-ын дарга Г.Гантөмөр, НИТХ-ын тэргүүлэгч, “Мишээл Групп” ХХК-ийн Ерөнхий захирал Б.Энх-Амгалан, ТОСК-ийн Ерөнхий захирал А.Гантулга, НОСК-ийн гүйцэтгэх захирал Б.Тэлмэн болон бизнес эрхлэгчдийн төлөөллүүд оролцож, арга хэмжээг эхлүүлснийг мэдэгдэн тууз хайчилсан юм.
Үзэсгэлэн Мишээл Барилгын Их Дэлгүүрт 10 хоног үргэлжлэх тул барилгын материал, орон сууц худалдан авахаар төлөвлөж буй иргэд хүрэлцэн ирж, хүссэн мэдээллээ нэг дороос авах боломж нээлттэй гэдгийг дуулгая.