Барилгын салбарын аж ахуйн нэгжүүдийн бүтээгдэхүүн үйлчилгээ, Түрээсийн орон сууц хөтөлбөр болон ипотекийн зээлийн талаарх мэдээллийг нэг дороос авах боломжийг “Улаанбаатар Барилга 2016” үзэсгэлэн олгож байна. Мишээл Барилгын Их Дэлгүүрт 10 хоног үргэлжлэх үзэсгэлэнгээс та манай улсын барилгын салбарт нэвтэрч буй шинэ техник технологи, бүтээгдэхүүн үйлчилгээ болон одоо зах зээлд борлуулалт хийгдэж буй шинэ орон сууцны төслүүд, ипотекийн зээлээр байртай болох, түрээсийн орон сууцанд хамрагдах гээд хүссэн мэдээллээ авах боломжтой.

     Үзэсгэлэнд 120 гаруй аж ахуйн нэгж, байгууллага оролцож байгаагаас ОХУ, Герман, Итали, Хятад, Солонгос, Польш гээд гадаад болон дотоодын олон шинэ компани нэмэгдэж, хэрэглэгчдэд мэдээлэл хүргэж байна.

     Хамгийн чухал нь ипотекийн зээлийн хүүг тав болгон бууруулах шийдвэр гараад удаагүй байгаа энэ үед орон сууцны үнэ хаашаа хэлбэлзэх бол гэсэн таамаг иргэдийн дунд хүлээлт үүсгэж буй. Тэгвэл иргэд өөрсдөө үзэсгэлэнд хүрэлцэн ирснээр орон сууцны үнэ ханшийн талаар бодит мэдээллийг газар дээрээс нь авах боломж бүрдэж байна.

Үзэсгэлэн Мишээл Барилгын Их Дэлгүүрт 3-р сарын 14-нийг дуустал үргэлжилнэ.