Барилгад хэрэглэдэг олон нэр төрлийн материалын дотор бетон нь голлох материалын тоонд ордог. Гэтэл бетоны шинэ төрөл нь маш уян цемент бүхий шингэн зуурмаг бөгөөд үүнийг хүссэн хэлбэрээрээ хэвэнд цутгах боломжтой. Ийм төрлийн бетон онолын хувьд хамгийн тохиромжтой боловч бодит байдалд ажил хэрэг болгон, нэгэн цогц хэлбэрт оруулах нь бэрхшээлтэй. Тиймээс “TailorCrete” Европын холбооны санхүүжилтээр Данийн Технологийн хүрээлэн өнгөрсөн дөрвөн жилийн турш хэвэнд ордог бетоны шинэ технологийг гаргаж авах, түүнийг ашиглах судалгааг хийжээ.

    “TailorCrete” нь Чехийн Техникийн их сургууль, “Chalmers” технологийн их сургууль зэрэг 14 байгууллагатай хамтран энэхүү судалгааг амжилттай хийж, барилгад ашиглахад бэлэн болгожээ. Ингэхдээ бетонон хавтанг бүрэн хэмжээний үзүүлэн болгож, нугалаастай байдлаар хөшөө болгосон юм. Хөшөө 23 см-ийн урттай, 6,5 м өндөр, хамгийн өргөн хэсэгтээ 25 см-ийн зузаантай байна.