Монгол Улсад барилгын салбар үүсч хөгжсөний түүхт 90 жилийн ойн хүрээнд зохион байгуулагдаж буй энэ намрын хамгийн том үзэсгэлэн яармаг “БАРИЛГА, ОРОН СУУЦ-2016” яг одоо Мишээл Экспо төвд болж байна. Ердөө гурван хоногийн турш үргэлжилж буй тус үзэсгэлэн нь барилгын салбарын аж ахуйн нэгж байгууллагуудынхаа үйл ажиллагаа, бараа бүтээгдэхүүн, үйлчилгээг зорилтот хэрэглэгчдэд нь шууд хүргэж, тэдний хооронд холбогч гүүр нь болох зорилготойгоор 8 дахь жилдээ тасралтгүй зохион байгуулагдаж байгаа билээ.

     Үзэсгэлэнд нийт 110 гаруй байгууллагын 500 орчим нэр төрлийн бүтээгдэхүүн байгаагийн дотор шинэ орон сууцны төслүүд, барилгын гол нэр төрлийн болон дэвшилтэт шинэ бүтээгдэхүүнүүд, дээврийн болон ус тусгаарлах шилдэг материалууд, евроблок, мод, модон бүтээгдэхүүн, будаг, халаалт, сантехникийн тоног төхөөрөмжүүд, амины орон сууцаа өөрсдөө барихад шаардагдах бүхий л материал, цемент, өөрөө өнгө, загвараа хүссэнээрээ өөрчилж болдог шинэ төрлийн обой, төрөл бүрийн хавтангууд, угаалгын өрөөний шинэ хийцийн ванн, суултуур, угаалтуур, хөргөлт агааржуулалтын төхөөрөмжүүд, гэрийн ухаалаг дохиоллын систем гээд нэрлээд байвал дуусашгүй олон нэр төрлийн бүтээгдэхүүнүүдийг нэгэн дор танилцуулж байна.

     Эндээс та компаниудын зөвхөн үзэсгэлэнгийн өдрүүдэд зарласан хямдрал урамшууллаар хүссэн байр, барилгын материалаа сонгон авах боломжтойг дуулгая. Төсөл хэрэгжүүлэгч компаниудын өөрсдийн зарласан орон сууцны зээл бүхий худалдаа, бартер солилцооны худалдаа, онцгой хямдрал урамшуулал болон хонжворт сугалаатай худалдаа та бүхний өмнө нээлттэй шүү.

     Хамгийн гол нь амины орон сууцаа өөрөө барих гэж байгаа болон байр авахаар сонирхож буй иргэд мэдэхийг хүссэн бүхий  л мэдээллээ нэг дороос авах боломжийг тус үзэсгэлэн бүрдүүлээд байна. Тансаг болон энгийн зэрэглэлийн орон сууцнууд хаана, ямар үнэ ханштай байгааг харьцуулан харж, дүгнэлтээ хийгээд сонгох боломжийг зөвхөн “БАРИЛГА, ОРОН СУУЦ-2016” үзэсгэлэнгээс л авах боломжтой.

     Үзэсгэлэн маргаашийг дуустал үргэлжлэх тул та бүхэн яаравчлан очиж, хүссэн мэдээллээ аваарай.

Дэлгэрэнгүй мэдээллийг 99000981, 99905443 дугаараас лавлана уу.