Цэвэр эрчим хүчний хэрэглээг дэмжсэн нарны цахилгаан үүсгүүртэй дээврийн хавтан дэлхийн олон улс орнуудад төрөл бүрээрээ үйлдвэрлэгдэн ашиглагдаж байгаа. Гэвч эдгээр хавтангуудыг ашиглахад гардаг нэг асуудал нь тэдгээрийн жин даац нь юм. Энэ нь хэрэглэхэд хүнд, угсрахад хугацаа их шаарддаг гээд бэрхшээлтэй зүйлс цөөнгүй бий.

      Харин “Beamreach Solar” компанийн мэргэжилтнүүд энэ бүх асуудлыг нэгэн зэрэг шийдэж чадсан дээврийн маш онцгой үзүүлэлт бүхий хавтанг зохион бүтээжээ. “Sprint” хэмээх энэхүү хавтан уламжлалт нарны зай хураагуураас эрчим хүчийг 30 хувиар илүү хураах хүчин чадалтай бөгөөд ямар нэгэн багаж, газардуулга ашиглахгүйгээр угсарч суурилуулахад хялбар гэдгээрээ дэвшилтэт шинэ технологи болж чадсан юм.




           
      Зохион бүтээгч Кирстений яриагаар, Sprint хавтан нь ердийн нэг эрчим хүч үүсгүүрийн технологи бус угсрахад хялбар, цаг бага зарцуулдаг, маш хямд өртөгтэй бүтээгдэхүүн аж. Ашиглалтын маш энгийн шийдлүүдийг хавтанд нэгтгэж өгснөөр үүнийг мэргэжлийн бус хүн ч хоёрхон минутын дотор угсарч, суурилуулах боломжтой. Энэ нь дээвэрт давхар суурилуулж, жин их дардаг энгийн нарны хавтангуудыг бодвол тав дахин хурдан суулгадаг нь түүний онцгой дэвшилтэт чанар юм.

     Өөрөөр хэлбэл, “Beamreach Solar”-ийн мэргэжилтнүүд нь дээврийн нарны зайн хавтан хэрэглэх гэж буй үйлчлүүлэгчиддээ зориулан тэднээс мэргэжлийн чадвар шаардахааргүй, өөрсдөө байшингийнхаа дээврийг хялбархан суурилуулчих энгийн бүтэц технологитой байхаар зохион бүтээсэн аж. Хэрэглэгч өөрөө худалдаж аваад суурилуулах боломжтой учраас ажлын хөлсийг бүрэн хэмнэж байгаа юм. Мөн хэрэглэгчид өөрсдөө суурилууллаа гэхэд хавтангийн нарны эрчим хүч хуримтлуулах үр дүнг бууруулахад нөлөөлөхгүй гэдгийг мэргэжилтнүүд нь хэлж байна.



     Sprint хавтан нь 320 ватт хүртэлх цахилгаан үйлдвэрлэдэг ч гаргасан үр дүнгээ тогтвортойгоор сайжруулж хүчин чадалтай учир эцэстээ энэ нь дээд зэргийн технологи бүхий барилгын нэгдсэн хавтан юм. Энэхүү дээврийн хавтанг байгаль цаг уурын цас ихтэй бүс нутагт 51м/сек хурдтай хүчтэй салхинд 5400 Паскаль хүртэлх даралтад туршиж үзсэн байна. Энэ нь 0.09 м/кв талбай тутамд 52 кг жинг тэсвэрлэх даацтай.

     Хэт том, нүсэр хавтан байлгахаас татгалзаж, зөөж тээвэрлэхэд хөнгөн авсаархан, угсрахад тохиромжтой байлгах үүднээс уг нарны хавтангийн хэмжээг хэд хэдэн загвар хувилбараар гаргасан нь хэрэглэгчдэд хүссэн хэмжээгээ сонгоход нь дөхөм болох ажээ. Жин нь хөнгөн учир тээвэрлэлтийн зардлыг ч багагүй хэмжээгээр хэмнэх юм. Эдгээр хавтанг дэлхийн дунджаас дээш халуун температурт байдаг бүс нутаг, улс орнуудад илүү тохиромжтой гэж үзжээ.



     Sprint нь хавтан яг л нар шиг боловч халууны температурыг тэсвэрлэх, түүнийг тогтвортой бууруулж байдаг учраас байшин барилгын дотор хэт халуун агаар үүсгэхээс хамгаалдаг гэж хэлж болно. Мөн зах зээлд борлуулагдаж буй бусад хавтантай харьцуулахад бага температурын түвшинг дээшлүүлж, цэвэр нарны эрчим хүчийг  нэвтрүүлэх нөөц бололцоог багагүй хувиар дээшлүүлж чадсан нь энэ технологийн маш том давуу тал болно.