АНУ-ын Лос-Анжелес хотноо баригдаж буй Hanover Olympic нь нарны эрчим хүч ашигладаг анхны орон сууцны барилга болж байна. Барилгын нарны эрчим хүч хуримтлуулагч дээврийн 10 хавтан нь 20 айлын орон сууцыг цахилгаанаар хангах хүчин чадалтай бөгөөд оршин суугчид тогны төлбөрөө сар тутам 100 доллараар хэмнэх боломжтой аж. Түүнчлэн энэ төсөл нь шугам сүлжээнд нийлүүлэх эрчим хүчийг гаргах нэмэлт 220 хавтанг суурилуулж буйгаараа онцлогтой.

     Тус барилгын орон сууц нэг бүр нь Эрчим хүчний одтой үнэлгээ, Лед гэрэлтэй бөгөөд оршин суугчид нь нарны эрчим хүч хуримтлуулах болон хэрэглээгээ хянах боломжтой. Энэхүү эко орон сууц нь хотын төв хэсэгт байрладаг нь бас нэгэн том давуу тал болно.

     “Хотын энэ хэсэгт уг төслийг хэрэгжүүлснээр технологийн дэвшлийг хэрэглээндээ нэвтрүүлж, амьдралын шинэлэг тансаг хэв маягт дурлагчдад маш их таалагдаж байгаа. Бидний хэрэгжүүлж буй нарны эрчим хүч үүсгүүртэй, цахилгааны “Тэг” хэрэглээтэй орон сууцны төсөл амьдралын илүү таатай хэв маягийг бүрдүүлж, иргэдийн анхаарлыг татаж чадна гэдэгт найдаж байна” хэмээн төсөл хэрэгжүүлэгчид нь ярьсан байна.