Наадмын маргааш намар эхэлж, найр хурмын цаг айсуй. Хүйтний улирлаас өмнө, энэ цаг мөчид орон гэрээ бэлтгэхээр зэхэж байгаа бол та гурван өдрийн турш үргэлжлэх “LUXURY PROPERTY-2016” үзэсгэлэн худалдааг зориорой. Үзэсгэлэн энэ сарын 2016 оны 8-р сарын 5-7-ны өдрүүдэд Мишээл барилгын их дэлгүүрт байрлах Орон сууцны биржид болно.

Улаанбаатар хотод орон сууцны 200 гаруй төсөл, хөтөлбөр хэрэгжиж байгаагийн 30 орчим төсөл буюу 15 хувь нь тансаг зэрэглэлийн орон сууцны төсөл байгаа юм. Эдгээр “тансаг” зэрэглэлд багтах орон сууцны төслүүдийг “Luxury Property-2016” үзэсгэлэн худалдаан дээр танилцуулна. Түүнчлэн дээд зэрэглэлийн барилгын материал, интерьер дизайн, үндэсний үнэт эдлэлийн чиглэлийн байгууллагууд оролцоно.

Эндээс та сонирхсон орон сууцныхаа үйлчилгээ, үнэ ханш, худалдан авах нөхцөл, тэдгээрийн интерьер дизайн, тохижилтыг дотор нь байгаа мэт харж болох “3600” виртуаль шоурүүмийн үйлчилгээг үзэх, үл хөдлөх хөрөнгийн зуучлал, хууль эрх зүйн зөвлөгөө зэрэг олон талт мэдээллийг нэг дороос авч, олон тийш явж үнэт цагаа алдалгүйгээр худалдан авалтаа хийх боломжтой. Мөн оролцогч компаниуд маань Тансаг зэрэглэлийн орон сууцандаа хямдрал, урамшуулал зарлахаа ч мартаагүй.

Тансаг зэрэглэлийн бараа бүтээгдэхүүн, үйлчилгээ, орон сууцанд дуртай хэн бүхнийг “Luxury Property-2016” үзэсгэлэн худалдаан дээр хүрэлцэн ирэхийг урьж байна.