Энэхүү хурууны хээн барилга нь үнэндээ барилга биш. Энэ бол хурууны хээний програм хангамж, хавтан хийдэг компанид зориулсан маркетингийн кампанит ажлын нэгээхэн хэсэг юм. Өвөрмөц хийцтэй байгууламжийн санааг Тайланд улсад гаргасан боловч хараахан хэрэгжүүлээгүй байгаа. Тус барилга нь яг л олон давхар угалзарсан эрчлээс мэт харагдах хурууны хээг илтгэнэ.

     Уг байгууламж нь “Spicyh” компанийн бүтээсэн хурууны хээний аюулгүйн системийг танилцуулах нэгэн төрлийн сурталчилгаа аж. Одоогоор энэ нь зөвхөн төсөл төдий байгаа ч, магадгүй ирээдүйд архитекторууд үүгээр бизнес төв, театр, дуурь, музей гээд олон янзын зориулалтаар ашиглаж болох байгууламж ч бүтээж болох юм.

     Амьдрал дээр хэрэгжүүлээгүй олон гайхалтай санаа харамсалтайгаар өнгөрдөг ч, энэ төслийг гүйцэтгэх ажил хэдийнэ батлагджээ. Тэгэхээр дэлхийн хамгийн гайхалтай байгууламжуудын нэгт зүй ёсоор багтана гэдэгт түүнийг зохион бүтээгчид найдаж байгаа аж. Зарим нь яг үүн шиг хурууны хээн сууцтай болохыг хүсэж ч болох. Харин нөгөө хэсэгт нь галзуу юм шиг санагдаж ч болно. Гэсэн ч энэ бол өвөрмөц санааг тусган хэрэгжүүлсэн ховорхон бүтээл болно гэдэг нь эргэлзээгүй.

     Бодит байдал дээр хэрэгжүүлж болох сайн төлөвлөлт болгохын тулд загварын болоод техник технологийн дэвшлийг харуулсан тус төслийг одоо байгаагаас нь илүү сайжруулан, хөгжүүлж ч болох талтай. Өөрөөр хэлбэл, энэ нь ирээдүйн барилгуудад тавигддаг шинэлэг, загварлаг, эрчим хүчний хэмнэлттэй, зай талбайн оновчтой зохион байгуулалттай, тансаг байх гээд олон шаардлагыг бүгдийг нь зэрэг хангахуйц барилга болгох боломжтой.