“Төслийн Удирдлагын Шилдэг Туршлага" бага хурал болно
Олон улсын Төслийн удирдлагын институт (Project Management Institute буюу PMI) “Төслийн Удирдлагын Шилдэг Туршлага” сэдэвт бага хурлыг аравдугаар сарын 07-нд зохион байгуулах гэж байна. Хурлаар төслийн удирдлагын чиглэлээр олон улсын сайн зарчим, туршлагыг өөрийн орны онцлогтой уялдуулан хэрхэн нэвтрүүлэх, төслийн удирдлагын чиглэлээр байгууллага, холбогдох мэргэжилтнүүдийн чадавхийг сайжруулахын тулд юуг хийх, мэргэшсэн төслийн удирдагчдыг хэрхэн бий болгох талаар мэдээлэл олгох аж.
Ингэхдээ "барилга, уул уурхайн салбар" болон "Уул Уурхайн бүс, Үйлчилгээний салбар" гэсэн хоёр зааланд хуваагдаж, тухайн салбарын төслийн удирдлагатай холбоотой илтгэлүүд нэгэн зэрэгцээ тавигдах юм.
Харин аравдугаар сарын 08-нд гурван зааланд нэгэн зэрэгцээ төслийн удирдлагын олон төрлийн сэдвийн хүрээнд сургалт, семинар зохион байгуулагдана. Энэхүү сургалтуудыг олон жилийн турш төслийн баг удирдан төсөл, хөтөлбөр амжилттай хэрэгжүүлсэн арвин туршлагатай төлөөлөгчид хүрэлцэн ирж туршлагаасаа хуваалцах болно.
Харин аравдугаар сарын 08-нд гурван зааланд нэгэн зэрэгцээ төслийн удирдлагын олон төрлийн сэдвийн хүрээнд сургалт, семинар зохион байгуулагдана. Энэхүү сургалтуудыг олон жилийн турш төслийн баг удирдан төсөл, хөтөлбөр амжилттай хэрэгжүүлсэн арвин туршлагатай төлөөлөгчид хүрэлцэн ирж туршлагаасаа хуваалцах болно.
- Байгууллагынхаа амжилтыг илүү өндөрт хүргэх гарц хайж байгаа бол,
- Төслийн удирдлагын талаарх өөрийн туршлагаа сүүлийн үеийн мэдлэг, мэдээллээр баяжуулахыг эрмэлзэж байгаа бол,
- Яг одоо таны хариуцаж буй төсөлд тулгараад буй асуудлын шийдлийг хайж байгаа бол,
- Дотоодын болон олон улсын шилдэг төслийн удирдагчидтай танилцаж, тэдний мэдлэг, туршлагаас нь суралцаж, зөвлөмж хүсч байгаа бол,
- Ажил хэргийн илүү таатай боломжийг эрэлхийлж байгаа бол энэ арга хэмжээнд заавал оролцоорой.
“Төслийн Удирдлагын Шилдэг Туршлага” сэдэвт бага хурлын мэдээллийн ерөнхий ивээн тэтгэгчээр Барилга.МН ажиллаж байна.
