Монгол Улсад орчин цагийн барилга, бүтээн байгуулалтын ажил эрчимтэй өрнөж эхэлсэн тэр үеэс барилга, барилгын зураг төсөл, нийтийн аж ахуй, барилгын материалын үйлдвэрлэлийн анхны байгууллагууд үүсэн хөгжсөн түүхтэй. Хөгжлийн энэ түүхэн үе шат бүрт тухайн үеийн төр, засгаас тавьсан нийгэм, эдийн засгийн хөгжлийн зорилт, нийт ард иргэдийн тав тухтай амьдрах нөхцөлийг бүрдүүлэх бодлогуудыг хэрэгжүүлсээр эдүгээ 90 жилийн ойтойгоо золгож байна.
           
     Төрөөс баримталж буй бодлогын хүрээнд барилгын салбарыг хөгжүүлэх эрх зүйн баримт бичгүүдийг батлуулж, барилгын салбарын хууль, эрх зүйн орчинг бүрдүүлэн стандарт, норм нормативыг боловсронгуй болгон төрөл бүрийн мэргэжилтэн, инженер техникийн ажилтан бэлтгэх болсноор мэргэжлийн ажилтан, ажилчдаас бүрдсэн үндэсний боловсон хүчний чадавхтай болж чаджээ.

     Энэ оны эхний хагас жилийн байдлаар, барилгын салбарт оруулсан хөрөнгө оруулалтын хэмжээ 626.5 тэрбум төгрөгт хүрч, барилгын салбарын бүртгэлтэй инженер техникийн ажилчдын тоо 32 мянга давж байна. Энэ хугацаанд 613,8 тэрбум төгрөгийн барилга угсралт, их засварын ажил гүйцэтгэсний 98 хувийг үндэсний барилгын компаниуд эзэлж байгаа юм. Барилга угсралт, их засварын ажлын хэмжээ энэ оны хоёрдугаар улиралд  516.5 тэрбум төгрөгт хүртлээ буюу өмнөх оны мөн үеийнхээс 4.8 хувиар буурчээ.

     Улс орны эдийн засгийн ямар ч нөхцөлд барилга, бүтээн байгуулалтын салбар хөгжлийн зүтгүүр нь байж, эдийн засгийг сэргээх гол хүчин байсаар ирсэн. Энэ удаад ч эдийн засгийн амаргүй нөхцөл байдалтай учраад байгаа хэдий ч Монголын барилгын салбарынхан гарах гарцаа мэддэгийн хувьд төрөөс барилгын салбарт үйл ажиллагаа явуулж буй хувийн хэвшлийнхнээ дэмжин хамтран ажиллах, хамтдаа хөгжих зарчмыг баримталж байна.

     Энэ оны эхний хагас жилийн байдлаар, барилгын салбарт оруулсан хөрөнгө оруулалтын хэмжээ 626.5 тэрбум төгрөгт хүрч, барилгын салбарын бүртгэлтэй инженер техникийн ажилчдын тоо 32 мянга давж байна. Энэ хугацаанд 613,8 тэрбум төгрөгийн барилга угсралт, их засварын ажил гүйцэтгэсний 98 хувийг үндэсний барилгын компаниуд эзэлж байгаа юм. Барилга угсралт, их засварын ажлын хэмжээ энэ оны хоёрдугаар улиралд  516.5 тэрбум төгрөгт хүртлээ буюу өмнөх оны мөн үеийнхээс 4.8 хувиар буурчээ.

     Эдийн засаг, нийгэм хурдацтай хөгжиж, үүний дагуу Хот байгуулалтын тухай, Барилгын тухай хуулиудын шинэчилсэн найруулга, Хот суурины ус хангамж, ариутгах татуургын ашиглалтын тухай хууль, Орон сууцны тухай хууль, Хот суурин газрыг дахин хөгжүүлэх тухай хуулиудыг батлуулан ажиллаж байна.

     Барилгын салбар 90 жилийн босгон дээр их бүтээн байгуулалтын салбарт үлдээсэн мөрөө эргэн харж, хийж бүтээснээрээ бахархахын зэрэгцээ өнөөдрөө зөв үнэлж дүгнэн, маргаашийн чиг хандлагаа бодитой тодорхойлох шаардлага тулгарч байна. Даяаршлын зуунд дэлхий нийтийн анхаарлыг татсан дулаарал, цаг уурын өөрчлөлт, хотжилт, барилгажилтаас үүсч буй сөрөг үр дагаврууд ногоон хөгжлийн чиг хандлага, шинжлэх ухаан, мэдээлэл технологийн хөгжлийг бүтээлчээр ашиглаж бодлогоо өөрийн онцлогт зохицуулан шинээр тодорхойлоход хүргэж байна. Энэ бүхэн барилгын салбарынхны хуримтлуулсан туршлага, мэргэжлийн ур чадвараа улам баяжуулах чадвар, эрч хүч, хурдыг сорих том сорилт болж байгааг ухамсарлах нь зүйтэй.

     Барилгын салбарын 90 жилийн түүхэнд мөрөө үлдээж залуу халуун насаа зориулсан үе үеийн ахмадууд, өнөөдөр ажиллаж буй нийт ажилтан, ажилчид, барилгын чиглэлээр бэлтгэгдэж буй оюутан суралцагчид та бүхэндээ Их барилгын салбарын түүхт 90 жилийн ойн баярын мэндийг хүргэж, хөдөлмөр бүтээлийн шинэ амжилт, эрүүл энх, сайн сайхан бүхнийг хүсэн ерөөж мэндчилье!