Монголын барилгачдын VI их хурлын хачирхалтай явдлууд
Барилгын салбар үүсч хөгжсөний 90 жилийн баярыг тэмдэглэсэн үйл ажиллагаа өнөөдөр Бөхийн барилдаанаар дуусч буй.
Энэ өдөр Монголын барилгачдын холбоо VI их хурлаа Төрийн ордноо хийсэн. Тус байгууллага нь 21 аймагт салбартай, өөрийн гишүүн компани болон хувиараа бизнес эрхлэгчдийг ТМБС-ын өндөр ур чадвартай ажиллах хүчнээр хангах зорилготой бөгөөд энэ жил 25 дахь жилийн ойгоо угтаж байна. Хуралд БХБ-ын Сайд Г.Мөнхбаяр өөрийн биеэр хүрэлцэн ирж, мэндчилгээ дэвшүүлсэн. Энэ мэндчилгээндээ хэд хэдэн санал санаачилга дэвшүүлж, цаашид засаж, сайжруулах зүйлсийг сануулж байв.
Энэ өдөр Монголын барилгачдын холбоо VI их хурлаа Төрийн ордноо хийсэн. Тус байгууллага нь 21 аймагт салбартай, өөрийн гишүүн компани болон хувиараа бизнес эрхлэгчдийг ТМБС-ын өндөр ур чадвартай ажиллах хүчнээр хангах зорилготой бөгөөд энэ жил 25 дахь жилийн ойгоо угтаж байна. Хуралд БХБ-ын Сайд Г.Мөнхбаяр өөрийн биеэр хүрэлцэн ирж, мэндчилгээ дэвшүүлсэн. Энэ мэндчилгээндээ хэд хэдэн санал санаачилга дэвшүүлж, цаашид засаж, сайжруулах зүйлсийг сануулж байв.
Ирсэн зочид, төлөөлөгчдийг харахад дийлэнх нь орон нутгаас ирсэн ахмад үеийнх байсан нь хачирхалтай.
Их хурлын хөтөлбөрт дараах зүйлс л багтсан бөгөөд хурал хийхдээ "Зөвлөлдөх хорооны гишүүд томилох, Ерөнхийлөгч болон дэд ерөнхийлөгч сонгох, Дүрэмд өөрчлөлт оруулан батлах, Холбооны нэрийг "Монголын барилгачдын нэгдсэн холбоо" болгон өөрчлөх, эсэхийг зөвлөлдөх зэрэг шийдвэр гаргах олон асуудлууд болно гэж тусгаагүй байна. Хачирхалтай.
Хуралд ирсэн зочдын дийлэнх нь хөдөө, орон нутгийн төлөөлөл байсан бөгөөд ахмад настанууд түлхүү байв. Хурлын үеэр дээрх асуудлуудыг батлахдаа шууд мандатыг өргүүлэн санал хураалтыг авч, "Тооллогын комисс"-гүйгээр батлаж байлаа.
Хуралд ирсэн зочдын дийлэнх нь хөдөө, орон нутгийн төлөөлөл байсан бөгөөд ахмад настанууд түлхүү байв. Хурлын үеэр дээрх асуудлуудыг батлахдаа шууд мандатыг өргүүлэн санал хураалтыг авч, "Тооллогын комисс"-гүйгээр батлаж байлаа.
Монголын барилгачдын холбооны V их хурал 2009 оны 4-р сард хуралдсан. Энэ хурлаас гарсан дүрмийн 4.3т зааснаар "Барилгачдын их хурлыг 5 жил тутамд хийх ёстой..." 4.8 дугаар зүйлд "Ерөнхийлөгч нь 5 жил тутамд сонгогдох ёстой..". Ингэхдээ Ерөнхийлөгчид нэр дэвшсэн хүмүүсийн мөрийн хөтөлбөрийг салбарын олон нийтийн мэдээллийн хэрэгслээр тавиж, Гүйцэтгэх зөвлөлийн 41 хүн нууц санал хураалтаар сонгох ёстой /4.5-р зүйл/ гэж заажээ. Харин бодит байдал дээр VI их хурлын үеэр Ерөнхийлөгчид нэр дэвшигчдийн нэрс байхгүй, шууд "М.Батбаатарыг улируулан сонгох хүсэлтэй байна. Санал нэг байгаа бол мандатаа өргөн үү" гээд 100 хувийн саналаар улируулан сонголоо гэж хэлсэн нь дүрмийн бус болжээ. Хачирхалтай үйлдлүүд үүгээр дуусаагүй.
Холбооны дүрмийн дагуу 2009 оноос хойш VI дахь их хурлаа 2012 онд хийх ёстой байсан ч хурал хийгдээгүй байсан. Үүний шалтгааныг тус холбооны ерөнхийлөгч М.Батбаатар “Салбар орон нутгийн холбоодуудтайгаа зөвшилцөж, салбарын 90 жилийн ойтой холбох мөн “тогтвортой төр засаг” тогтох үед хийх нь зүйтэй гэж шийдэн энэ жил буюу 2016 онд хийхээр хойшлуулсан” хэмээн тайлбарлалаа.
Зөвлөлдөх хороонд нэр дэвшүүлсэн 41 гишүүдийн нэрсэд багтсан хүмүүсийн дийлэнх нь хуралд оролцоогүй.
Бас нэг анхаарал татсан зүйл нь хурал дээр цор ганц илтгэл тавигдсан нь холбооны ерөнхийлөгч М.Батбаатарынх байсан юм. Тодруулбал, энэхүү илтгэл нь “Барилгын салбарын хуримтлагдсан асуудлууд” сэдэвт МБХ-ны статегийн төлөвлөгөө байв. Илтгэлийн утгыг сийрүүлбэл,
- ААН-үүд ажилтнуудынхаа нийгмийн асуудлыг хаясан. Тухайлбал, “Жигүүр Гранд” ХХК олон зуун ажилчинтай ч зөвхөн 15 хүний нийгмийн даатгалыг бөглөдөг.
- Барилгын бригадуудыг бүртгэлжүүлэх, тэднийг хөдөлмөрийн аюулгүй байдал, эрүүл ахуйн сургалтад хамруулах, мэргэжлийн зэрэг дэв олгоход анхаарах нь зүйтэй,
- Энэ онд хүний амь настай холбоотой 41 осол гарсны 1 л ослын эзэн холбогдогч нь хуулийн дагуу хариуцлага хүлээсэн.
- Инженер, техникийн ажилтнуудыг мэргэшүүлэх шаардлагатай. Барилга Хөгжлийн Төв дээрх мэргэшүүлэх сургалт арилжааны шинжтэй болсон. БХТ бол бизнесийн байгууллага болсон.
- Монголын барилгын салбар үнэлэмжгүй болсон. Зах зээлд шилжсэн энэ 25 жилийн хугацаанд барилгын салбарынхан “гуйлгачин” хэвээр байна.
- Монгол Улсад салбарын чиглэлээр үйл ажиллагаа явуулж буй ТББ-ууд хэтэрхий олон байгаа нь хоорондох сөргөлдөөнийг үүсгэж байна гэлээ.
Илтгэлийнхээ төгсгөлд Монголын Барилгачдын Холбоо гишүүн байгууллагуудынхаа төлөө ажиллах болно гэв.
Монголд барилгын салбарын төрийн бус мэргэжлийн байгууллагууд олон бий. Эдгээрээс олон жил, тогтвортой үйл ажиллагаа явуулж байгаагаараа онцгойрдог, салбартаа хүлээн зөвшөөрөгдсөн байгууллага бол Монголын Барилгачдын холбоо юм. Гэсэн ч энэ байгууллагын явуулж буй үйл ажиллагаа, дотоод зохион байгуулалтыг хөндлөнгөөс ажиглахад дээр бичсэнчлэн хачирхалтай үйл явдлаар дүүрэн, хэт нэг хүний эрх ашгийг барьсан болох нь харагдлаа.
Монголд барилгын салбарын төрийн бус мэргэжлийн байгууллагууд олон бий. Эдгээрээс олон жил, тогтвортой үйл ажиллагаа явуулж байгаагаараа онцгойрдог, салбартаа хүлээн зөвшөөрөгдсөн байгууллага бол Монголын Барилгачдын холбоо юм. Гэсэн ч энэ байгууллагын явуулж буй үйл ажиллагаа, дотоод зохион байгуулалтыг хөндлөнгөөс ажиглахад дээр бичсэнчлэн хачирхалтай үйл явдлаар дүүрэн, хэт нэг хүний эрх ашгийг барьсан болох нь харагдлаа.
