ИЧДЭГГҮЙ Хаус
Япон улс барилгын салбар дахь амжилтаараа дэлхийд дээгүүр үнэлэгддэг гэдгийг уншигч та бүхэн мэдэж байгаа. Ялангуяа аюулгүй байдлыг дээд зэргээр хангасан, газар хөдлөлтөд тэсвэртэй барилгыг барьж чаддаг. Мөн барилгын загвар, хийц архитектурын давтагдашгүй өвөрмөц уран барилга энэ улсад олон бий. Эдгээрээс архитектор Фүжимото Соүгийн (藤本壮介) “House NA”-ын талаар дэлгэрэнгүй мэдээлэл олохын зэрэгцээ уншигч таны нүдийг тань хужирласан зургуудыг бэлтгэлээ.
Фүжимото Соү (藤本壮介)
Гурван давхар нийт 592.0 талбай бүхий “House NA”-ыг 2011 онд барьж, ашиглалтад оруулсан. Тус хаусын загварыг Японы шилдэг архитекторуудын нэг Фүжимото Соү гаргасан юм. Фүжимото Соү нь 1971 онд Японы Хоккайдо аралд төрсөн бөгөөд багын л их сониуч, өвөрмөц сэтгэлгээтэй хүүхэд байсан гэдэг.
Цагаан шохой, шилний нягт зохицолдоо, хэд хэдэн янзийн блокийн нийлмэл бүтэц болон цонхны байрлалыг хаа хамаагүй сонгосон нь түүний өөрийгөө илэрхийлэх хэв маяг гэлтэй.
Энэхүү “House NA” нь Токио хотын захад орших нягтрал ихтэй хороолол дунд баригдсан юм. Шилэн байшин гэхлээр ихэнхдээ 1-2 давхар хүртлээ урт сунасан том цонхтой байдаг боловч уг байшин нь жинхэнэ утгаараа “Шилэн байшин” гэж хэлж болохоор болжээ. Учир нь шилэн цонх гэхээс илүүтэйгээр хана нь бүхэлдээ шилээр хийгдсэн 3 давхар хаус бѳгѳѳд Соү Фүжимото энэхүү барилгаа хосуудад зориулан барьсан байна.
Бүхэлдээ шилээр хийгдсэн энэ байшин Токиод байрладаг, тэр тусмаа дотор нь хүн амьдардаг гэхээр итгэмээргүй санагдаж байгаа биз.
Барилгын бүтцийн давхар бүрийн тэнцвэрийг тогтвортой байлгахын тулд төмөр карказан болон хавтан тавцангаар холбосон. Уг хаусыг гаднаас нь аль ч талаас нь харсан бүхэлдээ шилэн боловч тодорхой хэдэн хэсэг болох угаалгын өрөө, ванны өрөөг хүрээлсэн 4 хана нь шилэн биш юм.
Фүжимото Соү (藤本壮介)
Гурван давхар нийт 592.0 талбай бүхий “House NA”-ыг 2011 онд барьж, ашиглалтад оруулсан. Тус хаусын загварыг Японы шилдэг архитекторуудын нэг Фүжимото Соү гаргасан юм. Фүжимото Соү нь 1971 онд Японы Хоккайдо аралд төрсөн бөгөөд багын л их сониуч, өвөрмөц сэтгэлгээтэй хүүхэд байсан гэдэг.
Цагаан шохой, шилний нягт зохицолдоо, хэд хэдэн янзийн блокийн нийлмэл бүтэц болон цонхны байрлалыг хаа хамаагүй сонгосон нь түүний өөрийгөө илэрхийлэх хэв маяг гэлтэй.
Энэхүү “House NA” нь Токио хотын захад орших нягтрал ихтэй хороолол дунд баригдсан юм. Шилэн байшин гэхлээр ихэнхдээ 1-2 давхар хүртлээ урт сунасан том цонхтой байдаг боловч уг байшин нь жинхэнэ утгаараа “Шилэн байшин” гэж хэлж болохоор болжээ. Учир нь шилэн цонх гэхээс илүүтэйгээр хана нь бүхэлдээ шилээр хийгдсэн 3 давхар хаус бѳгѳѳд Соү Фүжимото энэхүү барилгаа хосуудад зориулан барьсан байна.
Бүхэлдээ шилээр хийгдсэн энэ байшин Токиод байрладаг, тэр тусмаа дотор нь хүн амьдардаг гэхээр итгэмээргүй санагдаж байгаа биз.
Барилгын бүтцийн давхар бүрийн тэнцвэрийг тогтвортой байлгахын тулд төмөр карказан болон хавтан тавцангаар холбосон. Уг хаусыг гаднаас нь аль ч талаас нь харсан бүхэлдээ шилэн боловч тодорхой хэдэн хэсэг болох угаалгын өрөө, ванны өрөөг хүрээлсэн 4 хана нь шилэн биш юм.
2 давхар дахь дотоод засал
Дотоод заслын хувьд маш энгийн 1-3 давхар хүртэл баг багаар шалны түвшин ахих бөгөөд өөрийн дуртай газраа суугаад ном унших, хоол идэх гэх мэт суугаа байдлаар олон зүйлийг хийх боломжтой.
Хөшгѳѳ хаасан гадаад дүр тѳрх Токио хотод оршиж буй энэ хаусад амьдарч байгаа хосын хувьд маш зоригтой алхам хийж байгаа нь сонирхолтой боловч эрсдэлтэй гэмээр байна. Хөрш айл болон ойр тойронд нь амьдарч буй хүмүүст өөрсдийн ямар байдалтай амьдарч байгаагаа ил тодоор харуулах нь тийм ч сайхан биш. Харин энэ асуудлыг маш хялбар аргаар шийдсэн нь хөшиг байсан юм.
Токай Их Сургууль, Барилгын инженерийн факультет Г.Цэлмэн
