Тайландын хамгийн өндөрт тооцогдох “MahaNakhon” 77 давхар цамхаг Бангкок хотноо нээлтээ хийлээ. “Buro Ole Scheeren” компанийн загварыг нь зохион бүтээсэн 313 метр өндөр тус барилга нь холимог ашиглалттай бөгөөд мушгирсан эрчлээс бүхий хээтэй фасад нь өвөрмөц загвар хийцтэйг нь илэрхийлэх аж. Энэ нь зочин хүлээн авах хэсэг, худалдааны танхим, уушийн газар, зоогийн газрууд, кондо маягийн 200 айлын орон сууцны хэсгээс бүрддэг. Тус төсөл нь бүхэлдээ ногоон байгууламжтай биш ч байгаль орчинд ээлтэй олон янзын шийдлүүдийг тусгасан байх гэдэгт найдаж буйгаа хүрээлэн буй орчны мэргэжилтнүүд мэдэгджээ.



     Гэсэн ч Бангкок хотын төв дүүрэгт байрлах уг шинэ цамхаг хэдхэн жилийн дараа хамгийн өндөр барилга байхаа болих аж. Учир нь 2019 онд “MahaNakhon” цамхагаас хоёр дахин өндөр барилга сүндэрлэх юм байна.

     Цамхагийн фасад нь өвөрмөц чулуулаг бөгөөд дотор засал чимэглэлээ гадагш илэрхийлэх бас нэгэн хүчин зүйл болдог аж. Цамхагийн ногоон байгууламжийн хэсгүүд, мөн тагтан дээрээс Бангкокийн гайхалтай дүр зургийг харж болно. Мөн орон сууц, худалдаа, олон нийтийн хэсгүүд хооронд тээврийн жижиг хэрэгсэл үйлчлэх зэргээр олон нийтийн тав тухыг хангах тал дээр онцгой анхаарчээ.