Монгол Улсад барилгын салбар үүсч хөгжсөний түүхт 90 жилийн ойг угтан Монголын барилгачин залуучуудын холбооноос "БҮТЭЭН БАЙГУУЛАЛТ БА ЗАЛУУСЫН ОРОЛЦОО-III"  үндэсний чуулга, уулзалтыг есдүгээр сарын 02-ны өдөр Төрийн ордонд зохион байгуулах гэж байна. Уулзалт барилгын салбарт үзүүлэх залуучуудын оролцоог өсөн нэмэгдүүлэх зорилготой бөгөөд салбарт тулгамдсан асуудлуудыг шийдвэрлэх арга зам, холбогдох хууль, эрхзүйн орчин, хүний нөөц ажиллах хүчний чадавх гэсэн сэдвээр хэлэлцүүлэг явагдах аж.

Мөн Барилгачин залуучуудын холбооны дээд шагнал “Тэргүүний залуу барилгачин” цол тэмдэгээр шагнал гардуулах ёслол болох юм. Үүнтэй холбоотойгоор шагнал горилогч барилгын салбарт үнэтэй хувь нэмэр оруулсан, ажлын өндөр бүтээл гаргасан байгууллагын тэргүүний ажилтны материалыг хүлээн авч байна.