Барилгын салбарын удирдах ажилтнуудад зориулсан “Барилгын зах зээлийн судалгаа, цаашдын чиг хандлага” уулзалт семинарыг Монгол Улсад орчин цагийн барилгын салбар үүсч, хөгжсөний 90 жилийн ойг тохиолдуулан 2016 оны 5-р сарын 25-ны өдрийн 10:00 цагт МҮХАҮТанхимын хурлын танхимд зохион байгуулах гэж байна.

Энэхүү уулзалт семинар нь Төр засгаас барилгын салбарт хэрэгжүүлж буй бодлого шийдвэр, зах зээлийн өнөөгийн байдал, ирээдүйн төлөв байдлын харьцуулсан судалгааг төрийн бус мэргэжлийн байгууллагууд болон байгууллагын удирдлагуудад хүргэх юм.

БХБЯамнаас барилгын салбарт хийж буй бодлого, шинэчлэлтийн талаар танилцуулж, барилгын салбарын макро орчин, барилга угсралт, барилгын материал, үл хөдлөх хөрөнгийн зах зээлийн судалгааны талаар Дэлхийн банк, “Барилга Эм Эн” ХХК болон ТББ-ын удирдлагууд илтгэл тавьж, оролцогчдын дунд нээлттэй хэлэлцүүлэг өрнүүлнэ.

Мөн салбарын одоо болон ирээдүйг дүгнэж, судалгаанд тулгуурласан бодит дүн шинжилгээ, үл хөдлөх хөрөнгийн зах зээлийн орчин, эдийн засгийн хүндрэл бэрхшээлийг даван туулах арга замуудын талаарх эдийн засагч, судлаачдын дүгнэлт, тайлбарыг сонсох боломжтой.
Тухайлбал, Дэлхийн банкны эдийн засагч Б.Даваадалай “Оюу Толгойн хүдрийн баяжмалын чанар сайжирснаар уул уурхайн бүтээгдэхүүний үйлдвэрлэл 2018 оноос дахин сэргэнэ”, Барилгын Материал Үйлдвэрлэгчдийн Холбооны Гүйцэтгэх захирал О.Лхагвадорж “Барилгын материалын үйлдвэрлэлийг их барилгаас түрүүлэн хөгжүүлэх шаардлагатай”, Нийтлэлч Де Факто Д.Жаргалсайхан “Төлбөрийн чадвартай эрэлт багасах учраас хямд орон сууцны эрэлт нэмэгдэнэ”, МУИС Эдийн засгийн тэнхимийн багш, доктор Ч.Хашчулуун “Барилгын салбарт шингэсэн их зээл, хөрөнгө оруулалт өдөр өдрөөр үнэгүйдэж байна” зэрэг сэдвийн хүрээнд яригдах асуудлуудыг нэг дор хүлээн авах боломжтой.

Уулзалтыг БХБЯам, МҮХАҮТ-ын дэргэдэх Барилга, Дэд бүтцийн зөвлөл, МБҮА, МБМҮХ, “Барилга Эм Эн” ХХК, Орон сууцны бирж хамтран зохион байгуулж байна.

Тус арга хэмжээнд доорх линкээр, эсвэл утсаар бүртгүүлсэн барилга, ҮХХ-ийн бизнес эрхлэгчид, удирдах ажилтнуудыг оролцуулах болно. Оролцогчдын тоо хязгаартай.

Энд дарж бүртгүүлнэ үү ==>>

Утас: 70113333, 80553333, 99058841

И-мэйл: sudalgaa@barilga.mn