Япон улсын Сендай хотод 2015 оны 3 сард болж, дэлхийн 187 орны төр засгийн тэргүүнүүд оролцсон Гамшгийн эрсдэлийг бууруулах Олон улсын III бага хурлаас “Гамшгийн эрсдэлийг бууруулах Сендайн үйл ажиллагааны хүрээ 2015-2030” баримт бичгийг баталсан бөгөөд Монгол Улсын Засгийн газар үндэсний болон орон нутгийн хэмжээнд энэхүү баримт бичгийг хэрэгжүүлэх үүрэг хүлээн ажиллаж байна. 

     Үүний дагуу гамшгийн эрсдэлийг бууруулахад хувийн хэвшлийн оролцоо, үүрэг зорилтыг гишүүн байгууллагуудад танилцуулах зорилгоор МҮХАҮТанхим, Онцгой байдлын ерөнхий газартай хамтран “Гамшгийн эрсдэлийг бууруулахад төр-хувийн хэвшлийн түншлэлийг дэмжих форум”-ыг 2016 оны 5-р сарын 30-31-ний өдрүүдэд зохион байгуулах гэж байна.

     Тус форумд Тайландын Вант улсын Бангкок хотод төвтэй НҮБ-ын гамшгийн эрсдэлийг бууруулах олон улсын стратеги хөтөлбөрийн Ази, Номхон далайн бүс нутгийн газраас үндсэн илтгэгч нарын баг ирж оролцох юм.

Энэхүү арга хэмжээ нь :

• 2016 оны 5 сарын 30-нд: Захирлуудын форум, Төрийн байгууллагуудын форум 
• 2016 оны 5 сарын 31-нд: Компанийн менежерүүдэд зориулсан уулзалт хэлэлцүүлэг 

гэсэн хэсгүүдээр зохион байгуулагдах бөгөөд МҮХАҮТанхимын зүгээс Захирлуудын форум, Компанийн менежерүүдэд зориулсан уулзалт хэлэлцүүлэг хариуцан, зохион байгуулахаар ажиллаж байна.

Иймд Та бүхэн тус форумд өндөр ач холбогдол өгч, захирал болон дунд шатны менежер болох 2 хүнийг оролцуулна уу. Оролцох хүмүүсийн нэрсийг 2016-05-27-ны дотор доорх хаягаар ирүүлнэ үү. 
Жич: Форумын хөтөлбөрийг хавсаргав.

Холбоо барих:

Гишүүнчлэлийн газрын дарга
Ш.Цэвэлсайхан