Монгол Улсад Барилгын салбар үүсч хөгжсөний 90 жилийн ойд зориулсан олон олон арга хэмжээг холбогдох Төрийн болон төрийн бус байгууллагууд, аж ахуйн нэгжүүд зохион байгуулж байгаа.

     Эдгээр арга хэмжээний хүрээнд өнөөдөр явагдаж буй Улаанбаатар хотын аварга шалгаруулах “Өрөгч, угсрагч”, “Хавтан наагч”-ийн ур чадвар шалгаруулах тэмцээнийг Нийслэлийн Засаг даргын тамгын газар, Нийслэлийн ерөнхий төлөвлөгөөний газар хамтран Баянзүрх дүүргийн 26-р хорооны нутаг дэвсгэрт байрлах Дүнжингарав худалдааны төвийн гадна задгай талбайд зохион байгуулж байгаа билээ.

     Энэхүү тэмцээн нь барилгын салбарын ажилтан, ажиллагсад, мэргэжилтэй ажилчдын ур чадварыг дээшлүүлэх, тэдний идэвх санаачилгыг нэмэгдүүлэх, урамшуулах зорилгоор санаачлан хэрэгжүүлж байгаа юм.