Зах зээлд борлуулж, захиалга авч буй бүх шинэ орон сууцны мэдээллийг цогц байдлаар олгох “Орон сууцны бирж” байнгын үзэсгэлэнгийн нээлт Мишээл экспо төвд боллоо. Нээлтийн ёслол хүндэтгэлийн үйл ажиллагаанд БХБ-ын сайд З.Баянсэлэнгэ, Барилгын Хөгжлийн Төвийн захирал Б.Баярсайхан, Гэр хороолол хөгжлийн газрын орлогч дарга нар М.Гантулга, НЕТГазрын дарга О.Одбаяр, Монголын барилгын инженерүүдийн холбооны Ерөнхийлөгч Б.Гүнболд, “Чоно” группийн Бизнес хөгжил хариуцсан захирал н.Билэгсайхан тэргүүтэй албаныхан оролцсон юм. Энэхүү биржээр дамжуулан иргэдэд шинэ орон сууцны бүх төрлийн мэдээлэл, зах зээлийн үнэ ханш судалгаа, ипотекийн зээл, төлбөрийн уян хатан чанар болон хууль эрх зүйн олон талт мэдээлэл, зөвлөгөөг өгөхөөс гадна орон сууцнуудыг бодит мэт 360 шоурүүмээр үзэх боломжтой. Түүнчлэн хуучин байраа худалдах, түрээслэх, зуучлан борлуулах үйлчилгээ, орон сууц түрээслэх үйлчилгээ үзүүлэх юм.
 

          
        








        










 БХБ-ын сайд З.Баянсэлэнгэ, Монголд анх удаа Орон сууцны биржээр дамжуулан орон сууцны байршил, үнэ ханш, энэ талын зөвлөгөө зөвлөмжийг нэг дор цогцлоосон үйл явдал болж байна. Өмнө нь хавар намартаа л орон сууцны мэдээллийг нэгтгэсэн үзэсгэлэн болдог байсан бол одоо байнгын үйл ажиллагаатай болж байгаа юм. Биржээр дамжуулан борлуулалт муу байгаа орон сууцыг дэмжих, чанартайг чанаргүйгээс нь ялгах, найм болон таван хувийн ипотекийн зээлийн мэдээллийг сурталчилан таниулж байгаад таатай байна. 
 

Дашрамд дурдахад, бирж байрлаж байгаа “Мишээл Барилгын их дэлгүүр” нь автомашины зогсоол сайтай, автобусны буудалд ойроос гадна барилгын материал, ҮХХ-ийн худалдаа, Нийслэлийн нэг цэгийн үйлчилгээ, Нийслэлийн орон сууцны корпораци зэрэг төрийн байгууллагууд байрлах учир барилга сонирхогч иргэдийн байнга цугларах газар болох аж.