Барилгын ажил гүйцэтгэж байгаад амиа алдсан иргэдийн тоо сүүлийн жилүүдэд эрс нэмэгдэж, 120 гаруй осол аваар гарсан тоо баримт байна. Тиймээс осол гэмтлээс урьдчилан сэргийлэх, хөдөлмөр хамгааллын аюулгүй байдлыг сайжруулахын тулд Нийслэлийн Засаг дарга захирамж гарган барилгын гадна талд шат вандан, хамгаалалтын тор зайлшгүй татаж байх шаардлага тавьж эхэллээ. Өөрөөр хэлбэл, баригдаж буй барилгын гадна талд хамгаалалтын тор татах, стандартын шаардлагын дагуу чанартай, бат бөх бэхэлгээтэй тор ашиглах олон улсын жишгийг дагаж мөрдөх аж.

     Энэ нь хөдөлмөрийн аюулгүй байдал, эрүүл ахуйн шаардлагыг хангахад зогсохгүй, барилгын ажил гүйцэтгэх үеийн дуу чимээг тусгаарлах, барилгаас гарах тоосжилтыг гадагшлуулахгүй байх, ажилчдыг барилга дээрээс унахаас  хамгаалах, урьдчилан сэргийлэх давуу талтай юм.