Өнөөдөр Нийслэлийн Засаг даргын захирамжийн дагуу удаа дараа зөрчил гаргасан долоон аж ахуйн нэгжийн гэр хорооллын дахин төлөвлөлтийн төсөл хэрэгжүүлэгчийн эрхийг цуцалсан талаар НЗДТГ-аас мэдээллээ. Үүнд:

---

-Чингэлтэй дүүргийн 9, 10, 11 дүгээр хорооны нутаг дэвсгэр, Дэнжийн мянга орчмын ХЕТ-2013/3 багц-ын “В”  хэсэгчилсэн талбай дахь  төсөл хэрэгжүүлэгч “Өндөр буянт холдинг” ХХК,
 
-Сүхбаатар дүүргийн  9, 11 ,12 дугаар хорооны нутаг дэвсгэр Орон сууцны 7 дугаар хороолол орчмын ХЕТ-2013/1 багцын К1, Е, Ё1, Л, Ш хэсэгчилсэн талбай дахь  төсөл хэрэгжүүлэгч “Заг” ХХК, “Заг Девелопер” ХХК-иудын түншлэл,
 
-Сонгинохайрхан дүүргийн 30 дугаар хорооны нутаг дэвсгэр орчим  төсөл хэрэгжүүлэгч “Монгол дайван” ХХК болон Чингэлтэй дүүргийн 9, 10 дугаар хороо, Дэнжийн 1000 орчмын ХЕТ-2013/3 багцын “Б” хэсэгчилсэн талбай дахь төсөл хэрэгжүүлэгч “Эрэл” ХХК,
 
-Баянзүрх дүүргийн 13, 14 дүгээр хорооны нутаг дэвсгэр “Орон сууцны 14 дүгээр хороолол” орчим ХЕТ-2013/2 багцын Г, Д, Ё хэсэгчилсэн талбай дахь төсөл хэрэгжүүлэгч “Бүрд констракшн” ХХК,
 
-Сонгинохайрхан дүүргийн 20 дугаар хорооны нутаг дэвсгэр “Цэргийн хотхон”  орчим ХЕТ-2013-8 багцын “А” хэсэгчилсэн талбай дахь төсөл хэрэгжүүлэгч “Хас харш” ХХК,
 

---

Дээрх компаниуд нь төслийн барилгажилтын ажлыг 6 сар хүртэлх хугацаанд эхлүүлээгүй, үйл ажиллагааны зөрчил удаа дараа гаргасан гэсэн үндэслэлээр тус тус гэрээг нь цуцлаад байна.
 
Харин Сонгинохайрхан дүүргийн 28 дугаар хорооны нутаг дэвсгэр “Баянхошууны 105  дугаар сургууль орчим” ГХДТ-2013/9 багцын хэсэгчилсэн талбай дахь төсөл хэрэгжүүлэгч “Тоб групп” ХХК нь төслийг хэрэгжүүлэх явцад гурван талт гэрээгээр хүлээсэн үүргээ биелүүлээгүй, үйл ажиллагааны зөрчил удаа дараа гаргасан хэмээн эрхийг нь түтгэлзүүлжээ.