Энэ жилийн хувьд цаг үеийн хямралаас шалтгаалан орон сууцны үнэ 10 гаруй хувиар буурсан. Орон сууцны үнэ ийнхүү буурч, борлуулагдаагүй орон сууц олон байгаа учир сонголт их, үнэ өсөхгүй, цаашдаа ч буурна гэсэн хүлээлт нийгэмд нэгэнт бий болжээ. Гэсэн жил бүрийн найм, есдүгээр сард үнэ өсдөг нь хууль болсон. Одоо байгаа орон сууцны үнэ дахин буурах боломжгүй гэсэн үг. Учир нь манайх шиг эрс тэс уур амьсгалтай, -40өөс +40 градуст хэлбэлздэг, Азийн газар хөдлөлтийн идэвхтэй бүс буюу 7-10 баллын бүсэд байрлалтай оронд орон сууцны үнэ хямд байх ямар ч боломжгүй гэдэг нь хатуу үнэн. Энэ сарын байдлаар зах зээл дээр шинэ орон сууцны дундаж үнэ 2,150,000 төгрөг байна /Монгол банк/.

        Нөгөөтээгүүр бидэнд өөрсдийн цалингаараа орон сууцтай болох боломж бий.  Энэ жилийн тухайд өмнөх жилүүдтэй харьцуулахад маш бага хүн ипоткеийн зээлд хамрагдахаар байгаа. Хэрэв та найман хувийн зээл хөөцөлдөж банкан дээр буцаагдаад, хүндрэл учирч байгаа бол банк, даатгал, ипотекийн корпорацын мэргэжилтнүүдээс нь заавар, зөвлөгөөг авах хэрэгтэй. Гэхдээ танд хэн ингэж мэдээлэл өгөх цаг зав гаргах билээ.

          “Орон сууцны бирж” гэсэн Улаанбаатар дахь 200 гаруй орон сууцны мэдээллийг хамруулсан, хууль эрхзүй, барилга байгууламжийн чанар, худалдан авагчдад анхаарах асуудал зэрэг хүн тус бүрд нь хүрч үйлчлэх цэг байгуулагдсан байна. Энэ үйлчилгээний цэг дээр “Орон сууцны хямдрал, урамшуулалт өдөрлөг” өнөөдрөөс эхлэн хоёр өдрийн турш үргэлжлэх юм. Эдгээр өдрүүдэд үнийн дүнгээс хамаарч метр квадрат нь 980 мянган төгрөгөөс эхлэн хямдарч байна. Мөн компаниас 20 хүртэлх хувийн зээлийг гаргуулах, 500-10 сая хүртэлх үнийн дүнгийн хөнгөлөлт, иж бүрэн тавилга, граж гэх мэт олон олон урамшуулал, боломж таныг хүлээж байна.
Хэрвээ танд ипотек зээлтэй холбоотой асуудал, бэрхшээл, бусад холбогдох зөвлөгөө мэдээлэл хэрэгтэй бол эдгээр өдрүүдэд хүрэлцэн ирээрэй. Танд Банк, Даатгал, Монголын Ипотекийн Корпораци, Орон сууцны биржийн үйлчилгээг нэг дор үзүүлэх болно.