Барилга, бүтээн байгуулалт, үл хөдлөх хөрөнгийн салбарын төрийн болон хувийн хэвшлийн байгууллагуудыг нэг дор нэгтгэсэн "Мишээл барилгын их дэлгүүр" өнөөдөр нээлтээ хийлээ. 

ТУс дэлгүүр нь үйлчилгээний танхим, өөртөө үйлчлэх танхим, албан хаагчдын контор, банк, ёслол хүндэтгэлийн тайз, сервер, хяналтын камер, хурлын өрөөнүүд, нотариат, үйлчилгээний мэдээлэл, санал хүсэлтийн хэсэг, хүлээлгийн хэсэг зэрэг танхимуудтай. Мөн дэлхийн топ болон дунд түвшиний брэндийн барилгын материалын албан ёсны дистербьютер, диллер, үндэсний топ үйлдвэрлэгчдээс бүрдсэн нийт 120 гаруй шоурүүм болон орон сууц, үл хөдлөх хөрөнгийн нэгдсэн мэдээллийн төв бирж ажиллана. 

Түүнчлэн Нийслэлийн Үйлчилгээний нэгдсэн төв, Нийслэлийн орон сууцны корпораци, Орон сууцны бирж байрлаж байгаа юм. Дэлгүүрийн зүгээс барилгын материал авах гэж 100 хаалга татах шаардлагагүй, 1 хаалга татаад 100 мянган төрлийн бараа, материал үзэх боломжтой. Үнийн хувьд ч 100 айл дахь үнэтэй ижил гэж байлаа.