УИХ шинэ бие бүрэлдэхүүнтэй болсонтой холбогдуулан барилгын салбарынхан хэд хэдэн санал, санаачилга гарган өргөн барьжээ. Үүнд, БХБЯ-ыг цомхон бөгөөд чадварлаг бүтэцтэй, мэргэжлийн удирдлагатай байх, салбарын төрийн захиргааны байгууллагуудын ажил үүргийн давхардлыг арилгах, салбарын бизнесийн орчин дахь төрийн оролцоог багасгах, төрийн зарим чиг үүргийг төрийн бус мэргэжлийн байгууллагаар гэрээгээр гүйцэтгүүлэх зэрэг хүсэлтийг дэвшүүлжээ.

Үүнд,  Барилгын хөгжлийн үндэсний нэгдсэн төв, Барилгын зураг төсөл зохиогчдын холбоо, Монголын барилгын инженер, геологичдын холбоо, Монголын барилгын материал үйлдвэрлэгчдийн холбоо, Монголын барилгын үндэсний ассоциаци, Монголын барилгын үйлдвэрчний эвлэлүүдийн холбоо,  Өргөн тээвэрлэх машин төхөөрөмж  үндэсний холбоо гэсэн газрууд нэгдэж байгаагаа илэрхийлэн гарын үсэг үзэглэжээ.