Бидэнд хоцрогдсон ч хамаагүй ус зайлуулах хоолой хэрэгтэй
Нийслэл хотод нэн тэргүүнд шаардлагатай нэгэн зүйл бол авто замын борооны ус зайлуулах шугам юм.
Хотын төвийн чухал барилга байгууламжийн нэг нь Төрийн ордон. Гэтэл тав ч хүрэхгүй минут үргэлжлэн орсон борооны улмаас ордны зүүн талын зам бүхэлдээ усанд автаж байсан түүх өнгөрсөн жил гарч байсан. Ус зайлуулах шугамаа шийдээгүй учраас тэр. Тэгвэл өнгөрсөн хоёр хоног үргэлжлэн орсон бороо ч мөн нийслэлийн замуудын чанар, стандартыг шалгалаа.
Жил бүр замын ажлыг хийж, авто замуудыг өргөтгөн засаж, шинээр зам тавьсаар байгаа ч хажууд нь ус зайлуулах хоолой барьдаггүй. Нийслэлээс ус зайлуулах хоолойгүй замын зураг төслийг шалгаруулаад байдаг юм уу, барихдаа байгуулдаггүй юм уу. Ямартай ч Улаанбаатарт ус зайлуулах хоолойтой зам тун ховор. Харин гэр хороололд ус зайлуулах шуудуу, хоолой барьж, байгуулах ажил огт хийгддэггүй ч гэж хэлж болохоор байгаа.
Гадны улс орнуудад нэг км замд 1,5 км инженерийн шугам сүлжээг суулгасан байдаг. Хэрвээ замыг нь хуулаад харах юм бол сүлжилдсэн олон хоолойг та харж болно. Авто замын системд харьцангуй хожуу нэвтэрсэн энэ системийг өдгөө дэлхийн өндөр хөгжилтэй улсууд ягштал мөрдөж байна. Тийм ч учраас зам эвдрэх, өөрөөр хэлбэл дахин засах шаардлага бараг гардаггүй аж. Сүүлийн үед Япон улс нано технологиор шинэ асфальт хийгээд байна. Энэ нь нарны халаалтаар агшиж сунадаг материал бөгөөд усыг өөртөө шингээдэг материал аж.
Биднийг энд ус зайлуулах системээ шийдэж ядан байтал дэлхийд дараагийн технологи хэдийнэ гарч, хэрэглээнд нэвтрээд байна. Тусгай материалаар хийсэн цемент. Үүнийг ашигласнаар маш их хэмнэлт гардаг гэх. Гэхдээ одоогоор бидэнд хоцрогдсон ч хамаагүй ус зайлуулах хоолой л хэрэгтэй байна.
Хотын төвийн чухал барилга байгууламжийн нэг нь Төрийн ордон. Гэтэл тав ч хүрэхгүй минут үргэлжлэн орсон борооны улмаас ордны зүүн талын зам бүхэлдээ усанд автаж байсан түүх өнгөрсөн жил гарч байсан. Ус зайлуулах шугамаа шийдээгүй учраас тэр. Тэгвэл өнгөрсөн хоёр хоног үргэлжлэн орсон бороо ч мөн нийслэлийн замуудын чанар, стандартыг шалгалаа.
Жил бүр замын ажлыг хийж, авто замуудыг өргөтгөн засаж, шинээр зам тавьсаар байгаа ч хажууд нь ус зайлуулах хоолой барьдаггүй. Нийслэлээс ус зайлуулах хоолойгүй замын зураг төслийг шалгаруулаад байдаг юм уу, барихдаа байгуулдаггүй юм уу. Ямартай ч Улаанбаатарт ус зайлуулах хоолойтой зам тун ховор. Харин гэр хороололд ус зайлуулах шуудуу, хоолой барьж, байгуулах ажил огт хийгддэггүй ч гэж хэлж болохоор байгаа.
Гадны улс орнуудад нэг км замд 1,5 км инженерийн шугам сүлжээг суулгасан байдаг. Хэрвээ замыг нь хуулаад харах юм бол сүлжилдсэн олон хоолойг та харж болно. Авто замын системд харьцангуй хожуу нэвтэрсэн энэ системийг өдгөө дэлхийн өндөр хөгжилтэй улсууд ягштал мөрдөж байна. Тийм ч учраас зам эвдрэх, өөрөөр хэлбэл дахин засах шаардлага бараг гардаггүй аж. Сүүлийн үед Япон улс нано технологиор шинэ асфальт хийгээд байна. Энэ нь нарны халаалтаар агшиж сунадаг материал бөгөөд усыг өөртөө шингээдэг материал аж.
Биднийг энд ус зайлуулах системээ шийдэж ядан байтал дэлхийд дараагийн технологи хэдийнэ гарч, хэрэглээнд нэвтрээд байна. Тусгай материалаар хийсэн цемент. Үүнийг ашигласнаар маш их хэмнэлт гардаг гэх. Гэхдээ одоогоор бидэнд хоцрогдсон ч хамаагүй ус зайлуулах хоолой л хэрэгтэй байна.