Орон сууцны үнэ тогтворгүй буюу бууралттай байгаа энэ үед оффисийн талбайн үнэ ч мөн хэлбэлзэлтэй байна. Үнэ буурах нь хөрөнгө оруулагчид, бизнес эрхлэгчдийн хувьд таагүй мэдээ байж болох ч, нөгөө талаар санхүүгийн хүндрэлтэй байгаа энэ үеийг ашиглан арай хямд үнэ, төлбөрийн уян хатан нөхцлөөр оффисийн талбай худалдан авах, түрээслэх боломж аж ахуйн нэгж, байгууллагуудын өмнө нээлттэй байна.

     2015 оны 1-9-р сар хүртэлх оффисийн байрны түрээсийн дундаж үнийг харьцуулж үзэхэд 4, 6-р сард өсөлттэй байсан ч, 7-8-р сард буурсан үзүүлэлттэй гарчээ. 8-р сарын үнийг өмнөх сартай нь харьцуулахад 1 хувийн бууралттай байжээ. Түүнчлэн оффисийн талбайн 1 ам метрийн худалдах дундаж үнийг 2015 оны 1-8-р сарын байдлаар харьцуулахад 6-р сараас үнэ буурч эхэлсэн дүн гарсан.

     Харин өнгөрөгч 9-р сарын оффисийн худалдах үнийг өмнөх сартай харьцуулахад 1 хувийн бууралт гарсныг “Real Properties Ulaanbaatar” компани “Улаанбаатар хотын Үл Хөдлөх хөрөнгийн зах зээлийн 09 сарын тойм” мэдээлэлдээ дурджээ. Үнийн тойм болон үнэд нөлөөлж буй хүчин зүйлсийн дэлгэрэнгүй мэдээллийг хүлээн авна уу.