“Real Properties Ulaanbaatar” компанийн сар бүр тогтмол гаргадаг “Улаанбаатар хотын Үл Хөдлөх хөрөнгийн зах зээлийн 09 сарын тойм”-ын Хаусын ханшийн мэдээг дэлгэрэнгүй хүргэж байна. 2015 оны 1-9 дүгээр сар хүртэлх хугацааны амины орон сууцны ам метрийн дундаж үнийг харьцуулж үзэхэд 2, 3-р сард буурсан, 4, 5, 6-р сард өссөн, 7-р сараас хойш дахин буурсан үзүүлэлттэй гарчээ.

     Өнгөрөгч сард нийслэл хотод борлуулалт хийгдэж байгаа амины орон сууцны 29 төсөл хэрэгжиж байгааг судалгаанд ашиглан, ам метрийн дундаж үнийг гаргахад 2,200,000 төгрөг байжээ. Харин эдгээр төслийг байршлаар нь авч үзвэл 62 хувь нь Хан-Уул, 21 хувь нь Сүхбаатар, 10 хувь нь Сонгинохайрхан, 7 хувь нь Баянзүрх дүүрэгт хэрэгжиж байгаа аж.