АНУ-ын Массачусетс тосгонд “Deerfield” голын дагуу цэцэгсээр хүрээлэгдсэн 400 футын өндөр бетон гүүр байх бөгөөд дээгүүр нь тарьсан цэцэгс дөрвөн сараас арван сарын хооронд цэцэглэдэг байна. Цэцэгс нь 500 гаруй сортынх байх ажээ.

Энэхүү байгууламжийг анх 1908 онд төмөр замын зориулалтаар барьжээ. Тухайн төмөр замын компани нь ачаа бараа тээвэрлэж эхэлсэн хэдий ч автомашин нэмэгдсэнээр ашиг орлого нь багасчээ. Улмаар төмөр зам 1927 онд дампуурч, гүүр орхигдсон байна.
Ийнхүү төмөр зам дампуурсны дараа хоёр жилийн турш гүүр хогийн ургамалд дарагдсан юм. Тухайн үед оршин суугчид үүний эсрэг юу хийхээ сайн мэдэхгүй л байв. Мэдээж тэд өөр явган гүүр хийхийг хүсэхгүй байсан аж. Орон нутгийн оршин суугч Антонни Бурнам гэгч гүүрийг цэцэрлэгжүүлэх санаачлагыг гаргаснаар “Эмэгтэйчүүдийн клуб” гүүрийг худалдан авч, засахаар шургуу ажиллажээ. Ингээд 1929 онд олон нийтийн хандиваар гүүр сэргэн мандсан түүхтэй.

Өнөөдөр ч Эмэгтэйчүүдийн клуб Цэцгэн гүүрт санаа тавьж байна. Гүүрийг үзэхээр дэлхийн өнцөг булан бүрээс жуулчид хүрэлцэн ирдэг аж.